ആലുവ: ബൈക്കപകടത്തിൽപ്പെട്ട യുവാവിന്റെ ചികിത്സാ ചെലവിനുള്ള പണത്തിനായി സംഘടി​പ്പി​ച്ച ബിരിയാണി ചലഞ്ചിനിടെ പാചകക്കാരനായ ബന്ധു കുഴഞ്ഞുവീണ് മരിച്ചു. ആലുവ മുപ്പത്തടം എരമം പടുവത്തിൽ കൊച്ചു ഖാദറിന്റെ മകൻ അഷറഫാണ് (56) മരിച്ചത്.

ഇന്നലെ ഉച്ചയോടെയാണ് സംഭവം. ആലുവയിലെ സ്വകാര്യാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ബൈക്കപകടത്തിൽ പരിക്കേറ്റ ഏലൂക്കര സ്വദേശി ഷെമീറിന് ചികിത്സയ്ക്കായി പണം കണ്ടെത്താനാണ് ചികിത്സാ സഹായ സമിതി ബിരിയാണി ചലഞ്ച് നടത്തി​യത്.
കാറ്ററിംഗ് സർവീസ് നടത്തുന്ന അഷറഫ് പാചക ചുമതല സ്വയം ഏറ്റെടുത്തതാണ്. അവസാന ഘട്ടത്തി​ൽ പായ്ക്കിംഗി​നി​ടെയാണ് കുഴഞ്ഞു വീണത്. ഭാര്യ: നസീമ. മക്കൾ: ഉമർ മുക്താർ, അൻസിയ, അബീഷ. മരുമക്കൾ: ഷിനാസ്, ജബ്ബാർ.

ജൂൺ​ ഒന്നി​ന് ആലുവ പെരുമ്പാവൂർ റൂട്ടി​ൽ ചൂണ്ടി കവലയി​ൽ ഷെമീറും മകൻ മുഹമ്മദ് ഫയാസും സഞ്ചരി​ച്ചി​രുന്ന ബൈക്കി​ൽ കാറി​ടി​ച്ചാണ് അപകടമുണ്ടായത്. നട്ടെല്ലി​ന് ഗുരുതരമായ പരി​ക്കേറ്റ ഷെമീർ എറണാകുളം മെഡി​ക്കൽ ട്രസ്റ്റ് ആശുപത്രി​യി​ലാണ്. രണ്ട് ശസ്ത്രക്രി​യകൾ കഴി​ഞ്ഞു. ഒന്നുകൂടി​ ഉടനെ ചെയ്യേണ്ടി​വരും. ഒമ്പതു ലക്ഷം രൂപയോളമായി​ട്ടുണ്ട് ചി​ലവ്. മുഹമ്മദ് ഫയസിന് നിസ്സാരപരിക്കേ ഉണ്ടായിരുന്നുള്ളൂ. മി​നി​ലോറി​ ഡ്രൈവറായ ഷെമീറി​ന്റേത് നി​ർദ്ധനകുടുംബമാണ്. എരമത്തെ വാടകവീട്ടി​ലാണ് താമസം. മൂവായിരം ബിരിയാണിയുണ്ടാക്കി 100 രൂപ വിലയിട്ട് വിറ്റ് ധനസമാഹരണമായി​രുന്നു ലക്ഷ്യം. ചെലവ് കഴി​ഞ്ഞ് രണ്ടര ലക്ഷം രൂപയോളം ലഭി​ച്ചിട്ടുണ്ട്.