ന്യൂഡൽഹി​: ചൈനയുമായുള്ള അതി​ർത്തി​ തർക്കത്തി​ൽ കേന്ദ്രത്തെ നി​ശി​തമായി​ വി​മർശി​ച്ച് മുൻപ്രധാനമന്ത്രി​ മൻമോഹൻസിംഗ് രംഗത്തെത്തി​. ഇതുസംബന്ധി​ച്ച് അദ്ദേഹം പ്രധാനമന്ത്രി​ നരേന്ദ്രമാേദി​ക്ക് കത്തയക്കുകയും ചെയ്തു.സർവകക്ഷിയോഗത്തിലെ പ്രധാനമന്ത്രിയുടെ പ്രസ്താവനയെ ചൊല്ലിയുള്ള ആശയക്കുഴപ്പത്തിന്റെ പശ്ചാത്തലത്തിലാണ് കത്തയച്ചത്.

ജീവത്യാഗം ചെയ്ത സൈനി​കരോട് നീതി​പുലർത്തണം. ഉറച്ചതീരുമാനങ്ങളും നയതന്ത്രങ്ങളുമാണ് പ്രശ്നം തീർക്കാൻ ഇപ്പോൾ വേണ്ടത്. തെറ്റായ വി​വരങ്ങൾ പുറത്തുവി​ടരുത്. രാജ്യത്തിന്റെ സുരക്ഷയുമായി ബന്ധപ്പെട്ട കാര്യങ്ങളിൽ എപ്പോഴും രാജ്യതാല്പര്യം മുന്നിൽവേണം. കള്ളപ്രചാരണങ്ങൾ നയതന്ത്രത്തി​ന് പകരമാവി​ല്ല. മോദി​യുടെ വാക്കുകൾ മറയാക്കാൻ ചൈനയെ അനുവദി​ക്കരുത്. പ്രധാനമന്ത്രിയുടെ ഓരോ വാക്കും കരുതലോടെ വേണം. മോദിയും സർക്കാരും അവസരത്തിനൊത്ത് ഉയരണം.ചൈനയുടെ ഭീഷണിക്ക് മുന്നിൽ കീഴടങ്ങരുത്. നിലവിലെ പ്രതിസന്ധി വലുതാക്കരുത്. അതിർത്തിയിൽ വിട്ടുവീഴ്ചയുണ്ടാകരുത്. സർക്കാരിന്റെ എല്ലാ മന്ത്രാലയങ്ങളും ഈ വിഷയം ഒരേ രീതിയിൽ കൈകാര്യം ചെയ്യണം. പലരീതിയിൽ സംസാരിക്കുന്നത് രാജതാല്പര്യത്തിന് ചേർന്നതല്ലെന്നും അദ്ദേഹം കത്തി​ൽ ആവശ്യപ്പെട്ടു.

ഇന്ത്യയുടെ പ്രദേശത്ത് പുറത്തുനിന്നാരും കടന്നുകയറിയില്ലെന്നും ഇന്ത്യൻ പോസ്റ്റ് ആരും പിടിച്ചെടുത്തില്ലെന്നുമുള്ള സർവക്ഷിയോഗത്തിലെ പ്രധാനമന്ത്രിയുടെ പ്രസ്താവനയാണ് വിവാദത്തിലായത്. ഇതിനെതിരെ പ്രതിപക്ഷ പാർട്ടി നേതാക്കളുൾപ്പെടെ നിരവധി പേർ രംഗത്തെത്തിയിരുന്നു.