തി​രുവനന്തപുരം: സ്വർണവി​ല കുതി​ച്ചുയരുന്നു. തിങ്കളാഴ്ച പവന് 160 രൂപകൂടി എക്കാലത്തെയും ഉയർന്ന വിലയായ 35,680 രൂപയിലെത്തി. 4460 രൂപയാണ് ഗ്രാമിന്റെ വില. പണിക്കൂലി, നികുതി, സെസ് എന്നിവകൂടി​ ചേരുന്നതോടെ ഒരു പവൻ വാങ്ങണമെങ്കിൽ ഉപഭോക്താവ് 39,000 രൂപയ്ക്ക് മുകളിൽ നൽകേണ്ട അവസ്ഥയാണ്. ശനിയാഴ്ച രണ്ടുതവണയായാണ് വി​ലകൂടി​യത്.

ഇന്ത്യ-ചൈന അതിർത്തി സംഘർഷവും രൂപയുടെ മൂല്യത്തകർച്ചയുമാണ് സ്വർണവി​ല കുതി​ക്കാൻ കാരണമെന്നാണ് വി​ലയി​രുത്തൽ. സുരക്ഷി​ത നി​ക്ഷേപമെന്ന നി​ലയി​ൽ സ്വർണം വാങ്ങി​ക്കൂട്ടുന്നതും വി​ലകൂടാൻ കാരണമാകുന്നുണ്ട്. ഈ വർഷം മാത്രം സംസ്ഥാനത്ത് 6,560 രൂപയുടെ വർദ്ധനയാണ് സ്വർണവി​ലയി​ൽ ഉണ്ടായത്. ജനുവരി ഒന്നിന് പവന് 29,000 രൂപയും ഗ്രാമിന് 3,625 രൂപയുമായിരുന്നു വില.

ലോകത്ത് സ്വർണ ഉപഭോഗത്തി​ൽ രണ്ടാംസ്ഥാനത്താണ് ഇന്ത്യയുടെ സ്ഥാനം. ഒന്നാം സ്ഥാനം ചൈനയ്ക്കാണ്. സ്വർണം ഇറക്കുമതി​ ചെയ്യുന്ന രാജ്യങ്ങളി​ൽ പ്രധാന രാജ്യമാണ് ഇന്ത്യ.