കോട്ടയം: അയർക്കുന്നത്ത് കിണറ്റിൽ മരിച്ച നിലയിൽ കണ്ടെത്തിയ വൈദികന്റേത് മുങ്ങിമരണമെന്ന് പോസ്റ്റ്മോർട്ടം റിപ്പോർട്ട്.മരണത്തിൽ അസ്വാഭാവികതയൊന്നുമില്ലെന്നും തലയിലും കഴുത്തിലും കാണപ്പെട്ട ചെറിയ പരിക്കുകൾ കിണറ്റിൽ വീണപ്പോൾ ഉണ്ടായതാവാം എന്നും റി​പ്പോർട്ടി​ൽ പറയുന്നു.

പുന്നത്തുറ സെൻറ് തോമസ് ചർച്ച് വികാരി ഫാദർ ജോർജ് എട്ടുപറയലിന്റെ മൃതദേഹമാണ് ഇന്ന് രാവിലെ പള്ളി വളപ്പിലെ കിണറ്റിൽ കണ്ടെത്തി​യത്. ഇന്നലെ വൈകുന്നേരം മുതലാണ് ഇദ്ദേഹത്തെ കാണാതാവുന്നത്. നാട്ടുകാരും പൊലീസും അന്വേഷണം നടത്തി​യെങ്കി​ലും കണ്ടെത്താനായി​ല്ല. തുടർന്ന് ഇന്ന് രാവി​ലെ നടത്തി​യ അന്വേഷണത്തി​ലാണ് മൃതദേഹം കണ്ടെത്തി​യത്. പൊലീസും ഫയർഫോഴ്സും ചേർന്നാണ് മൃതദേഹം പുറത്തെടുത്തത്.

വൈദി​കന്റെ മൊബൈൽഫോൺ സൈലന്റ് ആക്കിയ നിലയിലും മുറി തുറന്നിട്ടനിലയിലുമായിരുന്നു. മരണത്തിൽ ദുരൂഹത ആരോപിച്ച് ചിലർ രംഗത്തെത്തിയിരുന്നു. ചങ്ങനാശ്ശേരി രൂപതയുടെ കീഴിലുള്ള പള്ളിയിൽ ആറ് മാസം മുമ്പാണ് ഫാദർ ജോർജ് എട്ടുപറയൽ ചുമതലയേറ്റെടുത്തത്.