നാഗർകോവിൽ:കന്യാകുമാരി ജില്ലയിൽ ഇന്നലെ 10 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ജില്ലയിൽ രോഗബാധിതരുടെ എണ്ണം 218ആയി. തുത്തൂർ സ്വദേശിനിയായ 18 വയസുകാരിയിൽ നിന്ന് സമ്പർക്കത്തിലൂടെ ഇന്നലെ 4 പേർക്കാണ് രോഗം സ്ഥിരീകരിച്ചത്. മഹേന്ദ്രഗിരി ഐ.എസ്.ആർ.ഒ കേന്ദ്രത്തിൽ ജോലി ചെയ്യുന്ന യുവാവിനും ഇന്നലെ രോഗം. ഇതോടെ ഐ.എസ്.ആർ.ഒ കേന്ദ്രം താത്കാലികമായി അടച്ചു. ജില്ലയിൽ ഇതുവരെ 128 പേരാണ് രോഗമുക്തി നേടിയത്. ആശാരിപ്പള്ളം ആശുപത്രിയിൽ 88പേർ ചികിത്സയിലുണ്ട്. ജില്ലയിൽ രണ്ട് പേരാണ് മരിച്ചത്.