തിരുവനന്തപുരം: പ്രവാസികൾക്ക് മടങ്ങിപ്പോകാനായി ദുബായിലേക്ക് ഉടനെ വിമാന സർവീസ് പുനരാരംഭിക്കണമെന്ന് പ്രധാനമന്ത്രിയോട് ഇ-മെയിൽ സന്ദേശത്തിൽ മുഖ്യമന്ത്രി പിണറായി വിജയൻ അഭ്യർത്ഥിച്ചു. ദുബായ് ഉൾപ്പെടെ ഗൾഫ് നാടുകളിൽ ജോലിചെയ്യുന്ന ധാരാളം പേർ തിരിച്ച് ജോലിയിൽ പ്രവേശിക്കാൻ കാത്തിരിക്കുകയാണ്. ഇതു കണക്കിലെടുത്ത് ദുബായിലേക്ക് വിമാന സർവീസ് ആരംഭിക്കാൻ സിവിൽ വ്യോമയാന മന്ത്രാലയത്തിന് നിർദ്ദേശം നൽകണം.

തിരിച്ചുപോകുന്ന യാത്രക്കാർ അഭ്യർത്ഥിക്കുകയാണെങ്കിൽ അവർക്ക് കൊവിഡ്19 ബാധിച്ചിട്ടുണ്ടോ എന്നറിയാനുള്ള പി.സി.ആർ ടെസ്റ്റ് നടത്താൻ കേരളം തയ്യാറാണെന്നും മുഖ്യമന്ത്രി അറിയിച്ചു. ജൂലായ് 10 മുതൽ ടൂറിസ്റ്റുകൾക്കുൾപ്പെടെ വിമാന മാർഗം എത്താൻ ദുബായ് സർക്കാർ അനുമതി നൽകിയിട്ടുണ്ട്.