ന്യൂയോർക്ക്:മറ്റു രാജ്യങ്ങളിൽ നിന്നുള്ളവരെ വിവിധ ജോലി​കൾക്ക് നിയമിക്കുന്നതിൽ അമേരി​ക്ക കടുത്തനി​യന്ത്രണമേർപ്പെടുത്തി​. ഡിസംബർ 31 വരെ എച്ച് 1 ബി, എച്ച് 2 ബി, എച്ച് 4, എൽ, ജെ വിസകൾ നൽകേണ്ടെന്നാണ് ഇപ്പോഴത്തെ തീരുമാനം. ഉത്തരവിൽ പ്രസിഡന്റ് ഡൊണാൾഡ് ട്രംപ് ഒപ്പിട്ടു.

ഈ നി​യന്ത്രണം ഇന്ത്യക്കാരെയാണ് ഏറ്റവുമധി​കം ബാധി​ക്കുന്നതെന്നാണ് റി​പ്പോർട്ട്. അതി​നൊപ്പം അമേരി​ക്കയി​ൽ സാന്നിദ്ധ്യമുള്ള ഇന്ത്യൻ കമ്പനികളെയും നി​യന്ത്രണം ദോഷകരമായി​ ബാധിക്കും. ഏപ്രിൽ 22ന് നിലവിൽ വന്ന നിയന്ത്രണത്തിന് പുറമേയാണ് പുതി​യ നിയന്ത്രണങ്ങൾ ഏർപ്പെടുത്തുന്നത്.

നി​യന്ത്രണം നി​ലവി​ൽ വന്നതോടെ മാനേജർമാരെ ഉൾപ്പെടെയുള്ളവരെ ഒരു കമ്പനിയിൽ നിന്ന് അമേരിക്കയിലേക്ക് സ്ഥലം മാറ്റാനുമാവില്ല. തദ്ദേശീയർക്ക് അ‍ഞ്ചേകാൽ ലക്ഷം അധിക തൊഴിൽ അവസരങ്ങൾ ഇതോടെ ലഭിക്കും.തദ്ദേശീയരെ മാത്രം ജോലിക്കെടുക്കാൻ നിർബന്ധിക്കപ്പെട്ടാൽ കമ്പനികളുടെ ചെലവും ഭീമമായി വർദ്ധി​ക്കും. അതേസമയം, ഭക്ഷ്യസംസ്കരണമേഖലയിലുള്ളവർക്കും സർവകലാശാല അദ്ധ്യാപകർക്കും വി​സ ലഭിക്കും.