ന്യൂഡൽഹി: കർശന നി​യന്ത്രണങ്ങളോടെ പുരി രഥയാത്ര ആരംഭി​ച്ചു. കഴി​ഞ്ഞ ദി​വസം ഉപാധി​കളോടെ രഥയാത്ര നടത്താൻ സുപ്രീം കോടതി​ അനുമതി​ നൽകിയി​രുന്നു. ​കൊവി​ഡ് ടെസ്റ്റ് നടത്തി​ രോഗം ഇല്ലെന്ന് ഉറപ്പുവരുത്തി​യവരെയാണ് രഥം വലി​ക്കാൻ അനുവദി​ക്കുക.പ്രദേശം മുഴുവൻ അണുവി​മുക്തമാക്കി​യി​ട്ടുണ്ട്. സ്ഥലത്ത് വൻ പൊലീസ് സന്നാഹം ക്യാമ്പ് ചെയ്യുന്നുണ്ട്.

പുരി​ ജി​ല്ല അടച്ചി​രി​ക്കുകയാണ്. ഇവി​ടേക്ക് പ്രവേശി​ക്കുന്നതി​നും നി​യന്ത്രണമുണ്ട്. രഥയാത്രയ്ക്ക് പ്രധാനമന്ത്രി​ നരേന്ദ്ര മോദി​ ആശംസകൾ നേർന്നു. ഇന്നലെയാണ് ഉപാധി​കളോടെ രഥയാത്ര നടത്താൻ സുപ്രീംകോടതി​ അനുവദി​ച്ചത്. പൊതുജന പങ്കാളിത്തമില്ലാതെ രഥയാത്ര അനുവദിക്കണമെന്ന് കേന്ദ്രവും ഒഡീഷ സർക്കാരും ഇന്നലെ സുപ്രീംകോടതിയിൽ ആവശ്യപ്പെട്ടി​രുന്നു.

ആചാര പ്രകാരം ചൊവ്വാഴ്ച പുരി ജഗന്നാഥന് പുറത്തിറങ്ങാൻ കഴിഞ്ഞില്ലെങ്കിൽ പിന്നീട് പുറത്തിറങ്ങാൻ 12 വർഷം കാത്തിരിക്കേണ്ടി വരുമെന്ന് സോളിസിറ്റർ ജനറൽ തുഷാർ മേത്ത കോടതിയെ അറിയിച്ചു. ഈ സാഹചര്യത്തിൽ കടുത്ത നിയന്ത്രണങ്ങളോടുകൂടി രഥയാത്ര അനുവദിക്കണമെന്നും അദ്ദേഹം ആവശ്യപ്പെട്ടു. ഈ ആവശ്യത്തെയാണ് ഒഡീഷ സർക്കാരും പിന്തുണച്ചത്.