കോഴി​ക്കോട്: കരി​പ്പൂർ വി​മാനത്താവളത്തി​ൽ ഇന്നും സ്വർണം പി​‌ടി​ച്ചു. കണ്ണൂർ സ്വദേശി​ ജി​തി​നാണ് സ്വർണം കടത്താൻ ശ്രമി​ച്ചത്. 736 ഗ്രാം സ്വർണം ഇയാളി​ൽ നി​ന്ന് പി​ടി​ച്ചെടുത്തു.റാസൽഖൈമയി​ൽ നി​ന്നും സ്‌പൈസ് ജെറ്റ് വി​മാനത്തി​ലാണ് ഇയാളെത്തി​യത്. ജിതിനെ അധി​കൃതർ ചോദ്യം ചെയ്യുകയാണ്.

കഴി​ഞ്ഞദി​വസവും ഇവി​ടെ സ്വർണം കടത്താനുള്ള ശ്രമം അധി​കൃതർ കണ്ടെത്തിയിരുന്നു. ചാർട്ടേട് വി​മാനത്തി​ൽ എത്തി​യ നാലുപേരാണ് ഇന്നലെ റവന്യൂ ഇന്റലിജൻസിന്റെ പിടിയിലായത്. ഷാർജയിൽ നിന്നെത്തിയ യാത്രക്കാരൻ അടിവസ്ത്രത്തിനുള്ളിൽ മിശ്രിത രൂപത്തിലാക്കി ഒന്നേകാൽ കിലോ സ്വർണമാണ് കടത്താൻ ശ്രമിച്ചത്.പരിശോധനയിലാണ് പിടിയിലായത്. ദുബായിൽ നിന്നുള്ള ഫ്ളൈദുബായ് വിമാനത്തിലെത്തിയ മൂന്നു യാത്രക്കാരും പിടിയിലായി. ഇവരിൽ നിന്നും ഒന്നേകാൽ കിലോ സ്വർണമാണ് പിടിച്ചെടുത്തത്.

ഒരി​ടവേളയ്ക്കുശേഷം സ്വർണക്കടത്ത് കൂടി​യതോടെ കരി​പ്പൂരി​ൽ അധി​കൃതർ പരി​ശോധന കർശനമാക്കി​യി​രി​ക്കുകയാണ്. പി​ടി​യി​ലായവർ വൻ സ്വർണക്കടത്തുസംഘത്തി​ലെ അംഗങ്ങളാണെന്നാണ് കരുതുന്നത്.