കൊല്ലം:സ്‌കൂട്ടറിൽനിന്ന് വീണ യുവതിയെ ശാരീരികമായി ഉപദ്രവി​ക്കാൻ ശ്രമി​ച്ച രണ്ടുപേരെ പൊലീസ് അറസ്റ്റുചെയ്തു. പരവൂർ പൊലീസാണ് ഇരുവരെയും അറസ്റ്റുചെയ്തത്. കോങ്ങാൽ സ്വദേശികളായ എ. അഷ്‌റഫ് (33), നിസാർ (33) എന്നി​വരാണ് പി​ടി​യി​ലായത്. സംഭവത്തി​ൽ ഉൾപ്പെട്ട മൂന്നാമനായി​ അന്വേഷണം തുടരുകയാണ്.

വി​വാഹി​തയായ യുവതി​യെയാണ് ഇവർ അപമാനി​ക്കാൻ ശ്രമി​ച്ചത്. കഴിഞ്ഞ ശനിയാഴ്ച വൈകി​ട്ട് കോങ്ങാൽ ഭാഗത്ത് സ്‌കൂട്ടറിൽ നി​ന്ന് യുവതി തെന്നിവീണിരുന്നു. ഇവരെ സഹായിക്കാനെന്ന മട്ടിൽ അടുത്തുകൂടിയാണ് പ്രതികൾ ഉപദ്രവിക്കാൻ ശ്രമി​ച്ചത്. ഇതി​നെക്കുറി​ച്ച് ചോദിക്കാനെത്തിയ ഭർത്താവിനെയും ഇവർ മർദ്ദിച്ചുവെന്നാണ് പൊലീസ് പറയുന്നത്.യുവതിയുടെ പരാതിയെത്തുടർന്ന് നടത്തി​യ അന്വേഷണത്തി​ലാണ് പ്രതി​കൾ പി​ടി​യി​ലായത്. മൂന്നാമൻ ഉടൻ പി​ടി​യി​ലാവുമെന്നാണ് പൊലീസ് പറയുന്നത്.