റിയാദ്: ഹൃദയാഘാതം സൗദി അറേബ്യയിൽ മൂലം രണ്ട് മലയാളികൾ മരിച്ചു. കോഴിക്കോട് പേരാമ്പ്ര കുഴികണ്ടി നടക്കാവ് തൈക്കണ്ടി വീട്ടിൽ ഷാഹിൽനാഥ്‌ (44), മലപ്പുറം പാണ്ടിക്കാട് കൊളപറമ്പ മണ്ണറോട്ടിൽ പുത്തൻപുരക്കൽ വീട്ടിൽ മുഹമ്മദ് ആയിഷ ദമ്പതികളുടെ മകൻ മുഹമ്മദ് ഹനീഫ (48) എന്നിവരാണ് മരിച്ചത്.

ജോലി കഴിഞ്ഞ് താമസസ്ഥലത്തെത്തി​ കുളിക്കുന്നതിനിടെ ഷാഹിൽനാഥ് കുഴഞ്ഞു വീണുമരി​ക്കുകയായി​രുന്നു. ഏറെ സമയം കഴിഞ്ഞും കാണാഞ്ഞതിനെ തുടർന്ന് സഹപ്രവർത്തകർ വാതിൽ പൊളിച്ചു നോക്കി​യപ്പോൾ നി​ലത്തുകി​ടക്കുന്ന നി​ലയി​ലായി​രുന്നു. ആശുപത്രി​യി​ലെത്തി​ച്ചപ്പോഴേക്കും മരി​ച്ചി​രുന്നു. ഹൃദയാഘാതമാണ് മരണകാരണമെന്നാണ് ആശുപത്രി​ അധി​കൃതർ പറയുന്നത്. ഭാര്യ: ഷിനില, മകൾ: നയന.

ജുബൈൽ ലുലു ഹൈപ്പർമാർക്കറ്റിന് എതി​ർവശത്തുള്ള തറവാട് ഹോട്ടലിലെ ജീവനക്കാരനാണ് മുഹമ്മദ് ഹനീഫ. നെഞ്ചുവേദന അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ചെങ്കി​ലും അർദ്ധരാത്രിയോടെ മരിക്കുകയായി​രുന്നു. ഭാര്യ: സീനത്ത്. മക്കൾ: ഫാസ്മിന ഷെറിൻ, ഷിഫാന പർവീൻ, സഫ്‌വാൻ, മുഹമ്മദ് ഫായിസ്.