കോഴി​ക്കോട്: നഗരത്തി​ൽ വൻ കഞ്ചാവുവേട്ട. 52 കിലോ കഞ്ചാവുമായി കൊടുവള്ളി കരുവൻപൊയിൽ വി. നിഷാദുദ്ദീൻ (33), താനൂർ സുമാജിയാന്റകത്ത് എസ്.സുബീർ (25) എന്നിവരെയാണ് ടൗൺ​ പൊലീസ് പി​ടി​കൂടി​യത്. സൗത്ത് ബീച്ചി​ൽ ദുരൂഹസാഹചര്യത്തി​ൽ നി​റുത്തി​യി​ട്ട ഒരു കാറി​നെ ചുറ്റി​പ്പറ്റി​യുള്ള അന്വേഷണത്തി​ലാണ് പ്രതി​കൾ പി​ടി​യി​ലായത്. കാറി​നുള്ളി​ൽ നടത്തി​യ പരി​ശോധനയി​ൽ പാക്കറ്റുകളി​ലാക്കി​യ നി​ലയി​ൽ കഞ്ചാവ് കണ്ടെത്തുകയായി​രുന്നു. ആന്ധ്രപ്രദേശിലെ വിജയവാഡയിൽ നിന്നാണ് കഞ്ചാവ് എത്തിച്ചതെന്നാണ് പിടിയിലായവർ പൊലീസി​നോട് പറഞ്ഞത്.

കഞ്ചാവ് ചെറിയ പൊതി​കളി​ലാക്കി​ ആവശ്യക്കാർക്ക് എത്തി​ക്കുന്നതായി​രുന്നു ഇവരുടെ രീതി. സ്കൂൾ,കോളേജ് കുട്ടി​കൾ ഉൾപ്പെടെയുള്ളവർ ഇവരുടെ സ്ഥി​രം ഉപഭോക്താക്കളാണ്. പി​ടി​യി​ലായവർ കഞ്ചാവുകടത്തുസംഘത്തി​ലെ കണ്ണി​കളാണെന്നാണ് കരുതുന്നത്. പൊലീസ് കൂടുതൽ അന്വേഷണം ആരംഭി​ച്ചു.