പോത്തൻകോട് : ഓൺലൈൻ പഠനത്തിന് സ്വകാര്യമില്ലാത്ത കുട്ടികൾക്ക് പഠന സൗകര്യം ഒരുക്കുന്നതിന്റെ ഭാഗമായി കല്ലൂർ ഗവ. യു.പി.സ്കൂളിലെ നിർദ്ധന കുടുംബങ്ങളിൽപ്പെട്ട ഏഴ് കുട്ടികൾക്ക് ടി.വികൾ വിതരണം ചെയ്തു. സ്‌കൂൾ പി.ടി.എ പ്രസിഡന്റ് എം.എ. ഉറൂബിന്റെ നേതൃത്വത്തിൽ സംഘടിപ്പിച്ച ടി.വി ചലഞ്ചിൽ സമാഹരിച്ച ടി.വി സെറ്റുകളുടെ വിതരണം അടൂർപ്രകാശ് എം.പി നിർവഹിച്ചു. കല്ലൂർ ഇളങ്കത്തിൻ കാവിൽ നടന്ന ചടങ്ങിൽ പഞ്ചായത്ത് പ്രസിഡന്റ് കെ. വേണുഗോപാലൻ നായർ, പഞ്ചായത്ത് അംഗം സജിത്ത്, സ്‌കൂൾ എച്ച്.എം ഷെമീനാബീഗം, എസ്.എം.സി ചെയർമാൻ ബാലമുരുകൻ, പൂർവ വിദ്യാർത്ഥി എം. സുൾഫിക്കർ തുടങ്ങിയവർ പങ്കെടുത്തു.