തിരുവനന്തപുരം: ജില്ലയിൽ ഇന്നലെ നാല് പേർക്ക് കൂടി കൊവിഡ് സ്ഥിരീകരിച്ചു. രണ്ട് പേർ വിദേശത്തുനിന്നും രണ്ട് പേർ ഡൽഹിയിൽ നിന്നും എത്തിയവരാണ്. മൂന്ന് പേർ ഇന്നലെ രോഗമുക്തി നേടി. പാപ്പനംകോട് കൈമനം സ്വദേശി (29,​ ദമാമിൽ നിന്ന് 7ന് എത്തി)​, പേട്ട സ്വദേശി (27,​ കുവൈറ്റിൽ നിന്ന് 16ന് എത്തി)​ എന്നിവരാണ് വിദേശത്ത് നിന്നെത്തിയവർ. പൗഡിക്കോണം സ്വദേശികളായ പുരുഷൻ (33)​,​ സ്ത്രീ (27)​ എന്നിവരാണ് 9ന് ഡൽഹിയിൽ നിന്നെത്തിയത്. ഇരുവരും ഡൽഹിയിൽ ഒരേ സ്ഥാപനത്തിൽ ജോലി ചെയ്യുന്നവരാണ്. ഇവർ ഹോം ക്വാറന്റൈനിലായിരുന്നു. യുവാവിന് രോഗലക്ഷണങ്ങൾ ഒന്നുംതന്നെ ഉണ്ടായിരുന്നില്ല. യുവതിക്ക് ചുമയും കഫക്കെട്ടും ഉണ്ടായിരുന്നു. 21ന് യുവതിയുടെ സ്രവം പരിശോധനയ്ക്കായി എടു​ത്തു. ഇന്നലെ രോഗം സ്ഥിരീകരിച്ചു. ഇവരുമായി പ്രാഥമിക സമ്പർക്കം പുലർത്തിയവരെ കണ്ടെത്തിയിട്ടുണ്ട്. ഇന്നലെ 825 പേർ നിരീക്ഷണ കാലയളവ് രോഗലക്ഷണങ്ങളൊന്നുമില്ലാതെ പൂർത്തിയാക്കി. 45 പേരെ ഡിസ്ചാർജ് ചെയ്തു. ഇന്നലെ 580 സാമ്പിളുകൾ പരിശോധനയ്ക്കായി അയച്ചു. ഇന്നലെ 287 പരിശോധനാഫലങ്ങൾ ലഭിച്ചു.

ആകെ നിരീക്ഷണത്തിലുള്ളവർ: 21,​985

വീടുകളിൽ നിരീക്ഷണത്തിലുള്ളവർ: 20,​403

ഇന്നലെ പുതുതായി നിരീക്ഷണത്തിലായവർ: 728

ആശുപത്രികളിൽ നിരീക്ഷണത്തിലുള്ളവർ: 173

കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ: 1409