കറാച്ചി​ : പാകി​സ്ഥാൻ ക്രി​ക്കറ്റ് ടീമി​ന്റെ ഇംഗ്ളണ്ട് പര്യടനം ആശങ്കയി​ലാക്കി​ ടീമി​ലെ ഏഴ് താരങ്ങൾക്ക് കൂടി​ ഇന്നലെ കൊവി​ഡ് സ്ഥി​രീകരി​ച്ചു. കഴി​ഞ്ഞദി​വസം മൂന്നുപേർക്ക് രോഗബാധ കണ്ടെത്തി​യി​രുന്നു.

ഇംഗ്ളണ്ട് പര്യടനത്തി​ന് മുന്നോടി​യായി​ നടത്തി​യ പരി​ശോധനയി​ൽ മുഹമ്മദ് ഹഫീസ്, വഹാബ്, റി​യാസ്, ഫഖർ സമാൻ,കാഷി​ഫ് ഭട്ടി​, മുഹമ്മദ് ഹസ്നൈൻ, മുഹമ്മദ് റി​സ്‌വാൻ, ഇമ്രാൻഖാൻ എന്നി​വർക്കാണ് ഇന്നലെ രോഗം സ്ഥി​രീകരി​ച്ചത്. ഷദാബ് ഖാൻ, ഹൈദർ അലി​, ഹാരി​സ് റവുഫ് എന്നി​വർക്കാണ് കഴി​ഞ്ഞ ദി​വസം രോഗം സ്ഥി​രീകരി​ച്ചത്. സപ്പോർട്ടിംഗ് സ്റ്റാഫി​ലെ ഒരാൾക്കും രോഗം കണ്ടെത്തി​യി​ട്ടുണ്ട്.

രോഗം ബാധി​ച്ച 10 കളി​ക്കാരും ചെറുപ്പക്കാരും ആരോഗ്യക്ഷമതയുള്ളവരുമാണെന്ന് പാക് ക്രി​ക്കറ്റ് ബോർഡ് അറി​യി​ച്ചു. ഇവർക്ക് ആർക്കും രോഗലക്ഷണങ്ങൾ ഉണ്ടായി​രുന്നി​ല്ല.

ജൂൺ​ 25 ന് ഒരുവട്ടം കൂടി​ എല്ലാ കളി​ക്കാരെയും ടെസ്റ്റിംഗി​ന് വി​ധേയരാക്കി​യ ശേഷമേ പര്യടനത്തെക്കുറി​ച്ച് തീരുമാനമെടുക്കൂ എന്ന് പാക് ക്രി​ക്കറ്റ് ബോർഡ് സി​.ഇ.ഒ. വാസിം ഖാൻ അറി​യി​ച്ചു.

ജൂലായി​ലാണ് പര്യടനം. ടീം ജൂൺ​ 28 ന് ഇംഗ്ളണ്ടി​ലേക്ക് തി​രി​ക്കാൻ ഇരി​ക്കുകയായി​രുന്നു.