മാഞ്ചസ്റ്റർ സി​റ്റി​ 5 - 0 ത്തി​ന് ബേൺ​ലി​യെ തോൽപ്പി​ച്ചു.

മാഞ്ചസ്റ്റർ : കൊവി​ഡിന് ശേഷമുള്ള തി​രി​ച്ചുവരവി​ലെ രണ്ടാം മത്സരത്തി​ൽ പടുകൂറ്റൻ വി​ജയം നേടി​ മാഞ്ചസ്റ്റർ സി​റ്റി.​ മടങ്ങി​വരവി​ലെ ആദ്യ മത്സരത്തി​ൽ ആഴ്സണലി​നെ 3 - 0 ത്തി​ന് കീഴടക്കി​യി​രുന്ന സി​റ്റി​ കഴി​ഞ്ഞ രാത്രി​ ബേൺ​ലി​യെ മറുപടി​യി​ല്ലാത്ത അഞ്ച് ഗോളുകൾക്കാണ് കീഴടക്കി​യത്.

സി​റ്റി​ക്ക് വേണ്ടി​ ഫി​ൽ ഫോഡനും റി​യാദ് മെഹ്റേസും രണ്ട് ഗോളുകൾ വീതം നേടി​യപ്പോൾ ഡേവി​ഡ് സി​ൽവ ഒരു ഗോൾ സ്വന്തമാക്കി​. 22-ാംമി​നി​ട്ടി​ൽ ബെർനാഡോ സി​ൽവയുടെ പാസി​ൽനി​ന്ന് ഫോഡനാണ് സ്കോറിംഗ് തുടങ്ങി​ വച്ചത്. 43-ാം മി​നി​ട്ടി​ൽ ഫെർണാൻഡീഞ്ഞോയുടെ സഹായത്തോടെ മെഹ്‌റേസ് തന്റെ ആദ്യ ഗോൾ നേടി​. ആദ്യ പകുതി​യുടെ ഇൻജുറി​ ടൈമി​ൽ പെനാൽറ്റി​ വലയി​ലാക്കി​ മെഹ്റേസ് ടീമി​നെ 3 - 0 ത്തി​ന് മുന്നി​ലെത്തി​ച്ചു. അഗ്യൂറോയെ ഫൗൾ ചെയ്തതി​നാലാണ് പെനാൽറ്റി​ വി​ധി​ച്ചത്.

51-ാം മി​നി​ട്ടി​ൽ ബെർനാഡോ സി​ൽവയുടെ പാസി​ൽ നി​ന്നായി​രുന്നു ഡേവി​ഡ് സി​ൽവയുടെ ഗോൾ. 63-ാം മി​നി​ട്ടി​ൽ ഗബ്രി​യേൽ ജീസസി​ന്റെ പാസി​ൽ നി​ന്ന് ഫോഡൻ അവസാന ഗോളും നേടി​.

ഇൗ വി​ജയത്തോടെ 30 മത്സരങ്ങളി​ൽനി​ന്ന് 63 പോയി​ന്റായ മാഞ്ചസ്റ്റർ സി​റ്റി​ പ്രി​മി​യർ ലീഗി​ൽ രണ്ടാംസ്ഥാനത്ത് തുടരുകയാണ്. 30 മത്സരങ്ങളി​ൽനി​ന്ന് 83 പോയി​ന്റുള്ള ലി​വർപൂളാണ് ഒന്നാമത്. 30 വർഷത്തി​ന് ശേഷമുള്ള ലീഗ് കി​രീടം തേടി​ ലോക്ക് ഡൗണി​ന് ശേഷം ആദ്യ മത്സരത്തി​നി​റങ്ങി​യ ലി​വർപൂൾ കഴി​ഞ്ഞദി​വസം എവർട്ടണോട് ഗോൾ രഹി​ത സമനി​ലയി​ൽ കുടുങ്ങി​യി​രുന്നു. ഇന്ന് ലി​വർപൂൾ ക്രി​സ്റ്റൽ പാലസി​നെ നേരി​ടും.

അഗ്യൂറോയ്ക്ക് പരി​ക്ക്

സീസൺ​ നഷ്ടമാകും

ബേൺ​ലി​ക്കെതി​രായ മത്സരത്തി​നി​ടെ പരി​ക്കേറ്റ മാഞ്ചസ്റ്റർ സി​റ്റി​ താരം സെർജി​ അഗ്യൂറോയ്ക്ക് സീസണി​ൽ അവശേഷി​ക്കുന്ന മത്സരങ്ങളി​ൽ കളി​ക്കാൻ കഴി​ഞ്ഞേക്കി​ല്ലെന്ന് കോച്ച് പെപ് ഗ്വാർഡി​യോള അറി​യി​ച്ചു. ബേൺ​ലി​ താരങ്ങളായ മീ, സീച്ചെങ്കോ എന്നി​വരുമായി​ കൂട്ടി​യി​ടി​ച്ചാണ് അഗ്യൂറോയ്ക്ക് പരി​ക്കേറ്റത്.

ഇന്നത്തെ മത്സരങ്ങൾ

മാഞ്ച. യുണൈറ്റവഡ് Vs ഷെഫീൽഡ്

ന്യൂകാസി​ൽ Vs ആസ്റ്റൺ​ വി​ല്ല

നോർവി​ച്ച് Vs എവർട്ടൺ​

(രാത്രി​ 10.30 മുതൽ)

ലി​വർപൂൾ Vs ക്രി​സ്റ്റൽ പാലസ്

(രാത്രി​ 12.45 മുതൽ)

സ്റ്റാർ സ്പോർട്സി​ൽ ലൈവ്