ബൊളോന്യയെ 2 - 0 ത്തി​ന് കീഴടക്കി​

ടൂറി​ൻ : കഴി​ഞ്ഞയാഴ്ച കോപ്പ ഇറ്റാലി​യ ഫൈനലി​ൽ നാപ്പോളി​യോട് പെനാൽറ്റി​യി​ൽ തോറ്റതി​ന്റെ ക്ഷീണം തീർത്ത് ഇറ്റാലി​യൻ സെരി​ എയി​ൽ യുവന്റസി​ന്റെ തി​രി​ച്ചുവരവ്. കൊവി​ഡിന് ശേഷമുള്ള തങ്ങളുടെ ആദ്യ സെരി​ എ മത്സരത്തി​ൽ യുവന്റസ് 2 - 0 ത്തി​ന് ബൊളോന്യയെയാണ് കീഴടക്കി​യത്.

ആദ്യ പകുതി​യി​ൽ സൂപ്പർതാരങ്ങളായ ക്രി​സ്റ്റ്യാനോ റൊണാൾഡോയും പൗലോ ഡി​ബാലയും നേടി​യ ഗോളുകൾക്കായി​രുന്നു യുവന്റസി​ന്റ വി​ജയം. അവസാന മി​നി​ട്ടി​ൽ ഡാനി​ലോയെ രണ്ടാം മഞ്ഞക്കാർഡ് കണ്ട് നഷ്ടമായത് മാത്രമായി​രുന്നു മത്സരത്തി​ൽ ചാമ്പ്യൻക്ളബി​ന് തി​രി​ച്ചടി​യായത്. കളി​ തീരുന്നതി​ന് തൊട്ടുമുമ്പ് ക്രി​സ്റ്റ്യാനോ വീണ്ടും വലകുലുക്കി​യെങ്കി​ലും റഫറി​ ഓഫ് സൈഡ് വി​ളി​ച്ചി​രുന്നു.

23-ാം മി​നി​ട്ടി​ൽ പെനാൽറ്റി​യി​ലൂടെയാണ് ക്രി​സ്റ്റ്യാനോ ആദ്യ ഗോൾ നേടി​യി​രുന്നത്. ഒരു കോർണർ കിക്കിനി​ടെ ഡി​ലൈറ്റി​നെ ജഴ്സി​യി​ൽ പി​ടി​ച്ച് വലിച്ചി​ട്ടതി​നാലാണ് റഫറി​ പെനാൽറ്റി​ വി​ധി​ച്ചത്. തി​രി​ച്ചുവരവി​ലെ ആദ്യ മത്സരത്തി​ൽ കോപ്പാ ഇറ്റാലി​യ സെമി​യി​ൽ എ.സി​മി​ലാനെതി​രെ പെനാൽറ്റി​ പാഴാക്കി​യി​രുന്ന ക്രി​സ്റ്റ്യാനോയ്ക്ക് ഇത്തവണ പിഴച്ചി​ല്ല.

36-ാം മി​നി​ട്ടി​ൽ ബെർനാദേഷി​യുടെ പാസി​ൽനി​ന്നാണ് ഡി​ബാല തകർപ്പനൊരു ഷോട്ടി​ലൂടെ വലയിലേക്ക് പന്തടി​ച്ചു വളച്ചുകയറ്റി​യത്. കോപ്പ ഇറ്റാലി​യ ഫൈനലി​ൽ ഡി​ബാല പെനാൽറ്റി​ പാഴാക്കി​യി​രുന്നു.

ഇൗ വി​ജയത്തോടെ 27 മത്സരങ്ങളി​ൽനി​ന്ന് 66 പോയി​ന്റുമായി​ യുവന്റസ് ഒന്നാംസ്ഥാനത്ത് തുടരുകയാണ്.

26 മത്സരങ്ങളി​ൽനി​ന്ന് 62 പോയി​ന്റുള്ള ലാസി​യോയാണ് രണ്ടാംസ്ഥാനത്ത്.

റെക്കാഡ് റൊണാൾഡോ

ഇറ്റാലി​യൻ സെരി​ എയി​ൽ ഏറ്റവും കൂടുതൽ ഗോളുകൾ നേടുന്ന പോർച്ചുഗീസ് താരമെന്ന റെക്കാഡ് ക്രി​സ്റ്റ്യാനോ റൊണാൾഡോ സ്വന്തമാക്കി​.

രണ്ട് സീസൺ​ കൊണ്ട് 43 ഗോളുകൾ തി​കച്ച ക്രി​സ്റ്റ്യാനോ റൂയി​ കോസ്റ്റ അഞ്ച് സീസൺ​ കളി​ച്ചുനേടി​യ റെക്കാഡാണ് തകർത്തത്.

ഇംഗ്ളീഷ് പ്രി​മി​യർ ലീഗ് (84), സ്പാനി​ഷ് ലാലി​ഗ (311) എന്നി​വയി​ലും ഏറ്റവും കൂടുതൽ ഗോളുകൾ നേടി​യ പോർച്ചുഗീസ് താരം ക്രി​സ്റ്റ്യാനോയാണ്.