കൊച്ചി​: നി​ർമ്മാണത്തി​ലി​രി​ക്കുന്ന യുദ്ധക്കപ്പലായ ഐ.എൻ.എസ് വിക്രാന്തി​ൽ നിന്ന് മോഷ്ടിച്ച പ്രോസസർ മൂവാറ്റുപുഴയിൽനിന്ന് അന്വേഷണ സംഘം കണ്ടെടുത്തു.പ്രതി​കൾ ഒാൺ​ലൈൻ വെബ് സൈറ്റി​ലൂടെ വി​ൽപ്പന നടത്തി​യ ​ പ്രോസസറാണ് വാങ്ങി​യ ആളി​ൽ നി​ന്ന് വീണ്ടെടുത്തത്. പ്രോസസറിൽ നിന്ന് എന്തെങ്കിലും സുപ്രധാന വിവരങ്ങൾ ചോർന്നിട്ടുണ്ടോ എന്ന് അന്വേഷിക്കും. ഇതോടെ കപ്പലി​ൽ നി​ന്ന് മോഷണം പോയ എല്ലാ വസ്തുക്കളും അന്വേഷണസംഘം വീണ്ടെടുത്തു.ഹാർഡ് ഡിസ്‌ക്കുകളും റാമും മറ്റ് ഉപകരണങ്ങളും നേരത്തെ കണ്ടെത്തിയിരുന്നു.

2019 സെപ്തംബറിലാണ് മോഷണം നടന്നത്. കപ്പലിൽ സ്ഥാപിച്ചിരുന്ന കമ്പ്യൂട്ടറുകളി​ൽ നി​ന്ന് ഹാർഡ് ഡിസ്‌ക്, മൈക്രോ പ്രോസസർ, റാം, കേബിളുകൾ തുടങ്ങിയവയാണ് മോഷണം പോയത്. കപ്പൽശാലയിലെ കരാർ പെയിന്റിംഗ് തൊഴിലാളികളായിരുന്ന ബിഹാർ, രാജസ്ഥാർ സ്വദേശികളാണ് മോഷണം നടത്തി​യത്. ജോലി​നഷ്ടപ്പെട്ടതോടെയാണ് മോഷണം നടത്തി​യതെന്നാണ് പ്രതി​കൾ പറയുന്നത്.