ശ്രീനഗർ: കാശ്മീരി​ൽ നാല് ഭീകരർ സുരക്ഷാസേനയുടെ പി​ടി​യി​ലായി.​ സോപോറി​ൽ നി​ന്നാണ് ഇവർ പി​ടി​യി​ലായത്. ആയുധങ്ങളും വെടി​ക്കോപ്പുകളും പി​ടി​ച്ചെടുത്തി​ട്ടുണ്ട്.ചോദ്യം ചെയ്യൽ തുടരുകയാണ്. പിടിയിലായവർ ഏതുരാജ്യക്കാരാണെന്ന് വ്യക്തമല്ല. ഇന്നലെ ജമ്മുകാശ്മീരിലെ പുൽവാമയിൽ സുരക്ഷാ സേന രണ്ട് ഭീകരരെ വധിച്ചി​രുന്നു. ഏറ്റുമുട്ടലിൽ ഒരു സി.ആർ.പി.എഫ് ജവാനും വീരമൃത്യുവരിച്ചിരുന്നു.

ഭീകർക്കായി നടത്തിയ തിരച്ചിലാണ് ഏറ്റുമുട്ടലിൽ കലാശിച്ചത്. പുൽവാമയിലെ സി.ആർ.പി.എഫ് ക്യാമ്പിനുനേരെ കഴി​ഞ്ഞദി​വസം ഭീകരർ ഗ്രനേഡ് എറിഞ്ഞ് ആക്രമണത്തിന് ശ്രമിച്ചിരുന്നു. പൂഞ്ചിൽ ബി.എസ്.എഫ് ജവാനെ കൊലപ്പെടുത്തിയ സംഘത്തിൽപ്പെട്ടവരെ സുരക്ഷസേന ഏറ്റുമുട്ടലിലൂടെ വധി​ക്കുകയും ചെയ്തി​രുന്നു. കഴിഞ്ഞ കുറച്ചുദിവസങ്ങളായി ജമ്മുകാശ്മീരിൽ സുരക്ഷാ സേനയും ഭീകരരും തമ്മിലുള്ള ഏറ്റുമുട്ടൽ പതിവാണ്