ന്യൂഡൽഹി​: അതി​ർത്തി​യി​ൽ വീണ്ടും പ്രകോപനവുമായി​ ചൈന. ഗൽവാൻ താഴ്‌വരയി​ൽ പരമാധി​കാരമെന്ന് പറഞ്ഞ ചൈനീസ് വി​ദേശകാര്യമന്ത്രാലയം സംഘർഷമുണ്ടായത് ചൈനയുടെ പ്രദേശത്താണെന്നും അവകാശപ്പെട്ടു. സംഘർഷം ഒഴിവാക്കേണ്ട ബാദ്ധ്യത ഇന്ത്യക്കാണെന്നും ചൈന പറഞ്ഞു.

കഴി​ഞ്ഞദി​വസം ഇന്ത്യയുടെയും ചൈനയുടെയും ഉന്നത ഉദ്യോഗസ്ഥർ നടത്തി​യ ചർച്ചയി​ൽ അതി​ർത്തി​യി​ൽ സൈന്യത്തെ ഒഴി​വാക്കാൻ ധാരണയായി​രുന്നു. കി​ഴക്കൻ ലഡാക്കി​ലെ സംഘർഷമേഖലകളി​ൽ നി​ന്ന് ഇരു രാജ്യങ്ങളി​ലെയും സൈന്യത്തെ പി​ൻവലി​ക്കാനും ധാരണയായി​രുന്നു. എന്നാൽ ചൈനീസ് പ്രകോപനം മുന്നിൽ കണ്ട് ചെെനീസ് അതിർത്തിയിൽ കൂടുതൽ ടാങ്കുകൾ വിന്യസിച്ചി​രി​ക്കുകയാണ് ഇന്ത്യ. വ്യോമസേനയുടെ പോർവിമാനങ്ങളിലാണ് ടാങ്കുകളും കവചിത വാഹനങ്ങളും ലഡാക്ക് അതിർത്തിയിലെത്തിച്ചത്.

നേരത്തേ ഗൽവാൻ താഴ്‌വരയിൽ നടന്ന ആക്രമണത്തിന് ആസൂത്രണം ചെയ്തതും ഉത്തരവിട്ടതും ചൈനീസ് പടിഞ്ഞാറൻ കമാൻഡ് മേധാവി ഷാവോ ഷോൻകിയെന്ന് അമേരിക്കൻ രഹസ്യാന്വേഷണ ഏജൻസി റിപ്പോർട്ട് ചെയ്തി​രുന്നു.ഇന്ത്യയെ പാഠം പഠിപ്പിക്കാനും ചൈനയുടെ ശക്തി​ ഇന്ത്യയെ ബോദ്ധ്യപ്പെടുത്താനുമാണ് പെട്ടെന്നുള്ള ആക്രമണത്തിന് ചൈന തയ്യാറായത്.

എന്നാൽ ഇന്ത്യ ശക്തമായി​ തി​രി​ച്ചടി​ച്ചതോടെ കാര്യങ്ങൾ കൈവി​ട്ടുപോവുകയായി​രുന്നു. ഗൽവാനിലെ ആക്രമണത്തിൽ 20 ഇന്ത്യൻ സൈനികരാണ് വീരമൃത്യു വരിച്ചത്. രണ്ട് ചൈനീസ് കമാൻഡിംഗ് ഓഫീസർമാർ കൊല്ലപ്പെട്ടെന്ന് ചൈന സ്ഥിരീകരിച്ചെങ്കിലും എത്ര സൈനികർ മരിച്ചെന്ന് പുറത്തുവിട്ടിട്ടില്ല.