തിരുവനന്തപുരം:ഇതര സംസ്ഥാനങ്ങളിൽനിന്നു വിവാഹ ആവശ്യത്തിനു വരുന്നവർക്ക് സർക്കാർ ഇളവുകൾ അനുവദിച്ചു. വരനും വധുവിനും ഇവരോടൊപ്പമെത്തുന്ന ബന്ധുക്കൾക്കും സുഹൃത്തുക്കൾക്കും ക്വാറന്റൈൻ വേണ്ട. അഞ്ച് പേർക്കാണ് ഇളവ്. ഏഴു ദിവസം സംസ്ഥാനത്തു താമസിക്കാം. കൊവിഡ് ജാഗ്രതാ പോർട്ടലിൽ രജിസ്റ്റർ ചെയ്യുന്നതിനോടൊപ്പം വിവാഹ കാർഡും അപ്‌ലോഡ് ചെയ്യണമെന്നും നിർദ്ദേശമുണ്ട്.ശാരീരിക അകലം പാലിക്കണം. അനുവാദമില്ലാതെ മറ്റു സ്ഥലങ്ങൾ സന്ദർശിക്കരുതെന്നും ഉത്തരവിൽ പറയുന്നു.
ജില്ലാ കളക്ടർമാരും പൊലീസ് മേധാവികളും ഇക്കാര്യം പരിശോധിച്ച് ഉറപ്പാക്കണമെന്നും നിർദേശിച്ചിട്ടുണ്ട്.