തിരുവനന്തപുരം : സംസ്ഥാനത്ത് ഇന്നലെ 123 പേർക്ക് കൊവിഡ് സ്ഥിരീകരിച്ചു. ഇതോടെ ഒരാഴ്ചയായി ദിവസവും കേസുകൾ നൂറിന് മുകളിലാണ്. ഇന്നലെ ആറു പേർ സമ്പർക്കത്തിലൂടെയാണ് രോഗം ബാധിതരായെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു. ആലപ്പുഴ മൂന്നു പേർക്കും എറണാകുളത്ത് രണ്ടു പേർക്കും തൃശൂരിൽ ഒരാൾക്കുമാണ് ഇത്തരത്തിൽ രോഗം ബാധിച്ചത്. ഇന്നലെ രോഗം സ്ഥിരീകരിച്ചവരിൽ 84 പേർ വിദേശത്ത് നിന്നും 33 പേർ ഇതര സംസ്ഥാനങ്ങളിൽ നിന്നും എത്തിയവരാണ്.ഇന്നലെ 53 പേർ രോഗമുക്തരായി.

രോഗബാധിതർ ജില്ലതിരിച്ച് - പാലക്കാട് 24,ആലപ്പുഴ 18, കൊല്ലത്തും പത്തനംതിട്ടയും 13 വീതം, എറണാകുളത്തും തൃശൂരും 10 വീതം, കണ്ണൂരിൽ 9, കോഴിക്കോട് 7 , മലപ്പുറത്ത് 6, കാസർകോട് 4, ഇടുക്കി 3 , തിരുവനന്തപുരം, കോട്ടയം,വയനാട് എന്നിവിടങ്ങളിൽ രണ്ട് 2 വീതം.

ആകെ രോഗബാധിതർ 3726

ചികിത്സയിലുള്ളവർ 1763

രോഗമുക്തർ 1941

മരണം 22