തിരുവനന്തപുരം : കണ്ടെയ്ൻമെന്റ് മേഖലകളിൽ ബാരിക്കേഡുകൾ സ്ഥാപിച്ച് പൊലീസ് സംവിധാനം കൂടുതൽ കർശനമാക്കുമെന്നും , ആർക്കും ഒരിളവും അനുവദിക്കില്ലെന്നും മുഖ്യമന്ത്രി പറഞ്ഞു.
എല്ലാ മാനദണ്ഡങ്ങളും പാലിച്ച് വാഹന പരിശോധന നടത്തും. അനുവദനീയമായ എണ്ണം ആൾക്കാരെ മാത്രമേ വാഹനങ്ങളിൽ യാത്ര ചെയ്യാൻ അനുവദിക്കൂ. രാത്രി ഒൻപതിന് ശേഷമുള്ള വാഹന ഗതാഗതത്തിന് നിയന്ത്രണമുണ്ടായിരിക്കും. മാസ്‌ക്കും ഹെൽമെ​റ്റും ധരിക്കാത്ത ഇരുചക്ര വാഹനയാത്രക്കാർക്കെതിരെ പൊലീസ് കർശന നടപടി സ്വീകരിക്കും.

ഡ്യൂട്ടിയിലുള്ള പൊലീസ് ഉദ്യോഗസ്ഥരുടെ ക്ഷേമം ഉറപ്പാക്കേണ്ട ഉത്തരവാദിത്തം ജില്ലാ പൊലീസ് മേധാവിമാർക്കാണ്. പൊലീസ് പിക്ക​റ്റുകളും മ​റ്റു പരിശോധനാസ്ഥലങ്ങളും അവർ ഇടയ്ക്കിടെ സന്ദർശിക്കും. ക്വാറൻറൈൽ കഴിയുന്നവർ നിർദ്ദേശങ്ങൾ ലംഘിക്കാതെ വീടുകളിൽ തുടരുന്നുവെന്ന് ഉറപ്പാക്കും.