തിരുവനന്തപുരം: മറ്റു സംസ്ഥാനങ്ങളിലേക്ക് വിവാഹചടങ്ങിന് പോകുന്നവർ ജില്ലാ കളക്ടറിൽ നിന്ന് പാസ് വാങ്ങണം. പോകുന്ന സംസ്ഥാനത്തെ പാസ് ലഭിച്ചവർക്ക് മാത്രമേ ഇവിടത്തെ പാസ് അനുവദിക്കൂ. സാമൂഹ്യഅകലവും സുരക്ഷാ മാനദണ്ഡങ്ങൾ പാലിച്ചും ചടങ്ങിൽ പങ്കെടുക്കണം. മറ്റു സ്ഥലങ്ങൾ സന്ദർശിക്കരുത്.
മറ്റു സംസ്ഥാനത്തുനിന്ന് വിവാഹ സംഘത്തിനൊപ്പം കേരളത്തിലേക്ക് വരികയാണെങ്കിൽ 14 ദിവസം ക്വാറന്റൈനിൽ കഴിയണം. വധൂവരൻമാർക്കും നിബന്ധന ബാധകമാണ്. ഇവിടെ നിന്ന് പോകുന്നവർ അടുത്ത ദിവസമാണ് മടങ്ങുന്നതെങ്കിൽ ക്വാറന്റൈനിൽ കഴിയണം. അവിടത്തെ കണ്ടെയ്ൻമെന്റ് സോണിലാണ് വിവാഹമെങ്കിൽ യാത്രാനുമതി നൽകില്ല.

വരനും വധുവിനും കൂടെ വരുന്ന അഞ്ച് പേർക്കും ക്വാറന്റൈൻ ഇല്ലാതെ ഏഴ് ദിവസം സംസ്ഥാനത്ത് കഴിയാമെന്ന ഉത്തരവിലാണ് ഭേദഗതി വരുത്തിയത്.