എരുമപ്പെട്ടി: പ്രായപൂർത്തിയാകാത്ത കുട്ടികളുടെ നഗ്‌ന ചിത്രങ്ങളും ലൈംഗിക വൈകൃത വീഡിയോകളും നിരന്തരം കാണുകയും പ്രചരിപ്പിക്കുകയും ചെയ്ത സംഭവത്തിൽ യുവാവിനെ എരുമപ്പെട്ടി പൊലീസ് അറസ്റ്റ് ചെയ്തു. വെള്ളറക്കാട് എടക്കളത്തൂർ വീട്ടിൽ സൻജോ (22)യെയാണ് ഇൻസ്‌പെക്ടർ കെ.കെ. ഭൂപേഷ് അറസ്റ്റ് ചെയ്തത്‌. പൊലീസ് സൈബർ സെല്ലിന്റെ നേതൃത്വത്തിൽ നടക്കുന്ന ഓപറേഷൻ ചൈൽഡ് പി. ഹണ്ടിന്റെ ഭാഗമായുള്ള അന്വേഷണത്തിലാണ് ഇയാൾ പിടിയിലായത്. ടെലഗ്രാം ഗ്രൂപ്പ് വഴി വിദേശ രാജ്യങ്ങളിൽ നിന്ന് ഉൾപ്പെടെ കുട്ടികളുടെ പോൺ വീഡിയോകൾ ഇയാൾ ശേഖരിക്കുകയും ആവശ്യക്കാർക്ക് അയച്ച് നൽകുകയും ചെയ്തുവരുന്നു. ഇയാളുടെ ടാബിൽ ഇത്തരത്തിലുള്ള അശ്ലീല വീഡിയോകളുടെ വലിയ രേഖരമുണ്ട്. പ്രതി പൊലീസ് കസ്റ്റഡിയിലാണ്.