ദുബായ്: യു.എ.ഇയിൽ കൊവിഡ് സുരക്ഷാ നിയമങ്ങൾ ലംഘിച്ചാൽ ആറ് മാസം തടവ് ശിക്ഷ. കു​റ്റം ആവർത്തിച്ചാൽ കുറഞ്ഞത് 100,000 ദിർഹം പിഴയും നൽകണമെന്ന് ക്രൈസിസ് ആൻഡ് ഡിസാസ്​റ്റർ പ്രൊസിക്യൂഷൻ ഫെഡറൽ എമർജൻസി ഡയറക്ടർ സാലെം അൽ സഅബി പറഞ്ഞു.

കൊവിഡ് നിയന്ത്രണങ്ങൾ നീങ്ങിയതോടെ മാളുകളിലും മാർക്ക​റ്റുകളിലും തിരക്കേറിയത് നിയമങ്ങൾ ലംഘിച്ചുകൊണ്ടാണ്. പഴംപച്ചക്കറി, മത്സ്യ, മാംസ വിൽപന കേന്ദ്രങ്ങളിലും വൻതിരക്കനുഭവപ്പെട്ടു. മാർക്ക​റ്റിൽ കച്ചവടവും ഉഷാറായി.സമീപകാലത്തെ ഏ​റ്റവും വലിയ തിരക്കാണിതെന്ന് കച്ചവടക്കാർ പറഞ്ഞു. ഇതോടെയാണ് സുരക്ഷാ നിയമങ്ങൾ ശക്തമാക്കി അധികൃതർ രംഗത്ത് വന്നത്.