നെടുമങ്ങാട്: ഇന്ധന വില വർദ്ധനയിൽ പ്രതിഷേധിച്ച് യൂത്ത് കോൺഗ്രസ് മണ്ഡലം കമ്മിറ്റി പള്ളിവിള പെട്രോൾ പമ്പിന് മുന്നിൽ നിന്ന് വട്ടപ്പാറ ജംഗ്ഷനിലേക്ക് വാഹനങ്ങൾ തള്ളി പ്രതിഷേധിച്ചു. യൂത്ത് കോൺഗ്രസ് സംസ്ഥാന സെക്രട്ടറി അരുൺ രാജൻ ഉദ്ഘാടനം ചെയ്‌തു. വരുൺ കൊടൂർ അദ്ധ്യക്ഷത വഹിച്ചു. വട്ടപ്പാറ അനിൽകുമാർ, കരകുളം രാജീവ്, പച്ചക്കാട് സാബുരാജ്, സുന്ദർ, വട്ടപ്പാറ പ്രദീപ്, ശരത്ത് കൊടൂർ, ഗോകുൽ കൊടൂർ, ഡൊമിനിക്, ഗോകുൽ നാഥ് തുടങ്ങിയവർ നേതൃത്വം നൽകി.