പത്തനംതിട്ട: ജി.എസ്.ടി രേഖകളില്ലാതെ നികുതിവെട്ടിച്ച് വിൽപ്പന നടത്താൻ ശ്രമിച്ച 90 പവൻ സ്വർണം ഇന്റലിജൻസ് സ്ക്വാഡ് പിടികൂടി. തൃശൂർ സ്വദേശി ബിജേഷ് ജോണിനെയാണ് സ്വർണവുമായി പത്തനംതിട്ട ഇന്റലിജൻസ് വിഭാഗം പിടികൂടിയത്. ജി.എസ്.ടി ഇന്റലിജൻസിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.

പിടികൂടിയ സ്വർണത്തിന് 32 ലക്ഷം രൂപ വിലമതിക്കും. സ്വർണ കടകളിൽ വിൽപന നടത്താനായിരുന്നു രേഖകളില്ലാത്ത സ്വർണം എത്തിച്ചത്.നികുതിയായ 2 ലക്ഷം രൂപ കെട്ടിവെച്ചാൽ സ്വർണം വിട്ടുനൽകും. നികുതി വെട്ടിപ്പ് ജില്ലയിൽ വ്യാപകമാണെന്നാണ് ഇന്റലിജൻസിന്റെ കണ്ടെത്തൽ. ഈ സാഹചര്യത്തിൽ പരിശോധന ഇനിയും കർശനമാക്കാനാണ് ജിഎസ്ടി വിഭാഗത്തിന്റെ തീരുമാനം.