തിരുവനന്തപുരം: നിലവിൽ സർവീസ് നടത്തുന്ന 230 സ്‌പെഷൽ ട്രെയിനുകളിലേയ്ക്കുള്ള തൽക്കാൽ റിസർവേഷൻ റെയിൽവേ തുടങ്ങി.

ജൂൺ 30മുതലുള്ള യാത്രകൾക്കാണ് ടിക്കറ്റ് ബുക്ക് ചെയ്യാൻ കഴിയുക. തൽക്കാൽ ബുക്കിംഗിന് നേരത്തെയുണ്ടായിരുന്ന രീതി തന്നെയാകും തുടരുക. യാത്രയ്ക്ക് ഒരുദിവസംമുമ്പാണ് ടിക്കറ്റ്ബുക്ക് ചെയ്യാനാകുക. എ.സി കോച്ചിലേയ്ക്ക് രാവിലെ 10നും സ്ലീപ്പർ ക്ലാസിലേയ്ക്ക് 11നുമാണ് ബുക്കിംഗ് ആരംഭിക്കുക. ഐ.ആർ.സി.ടി.സി വെബ്‌സൈറ്റ്, മൊബൈൽ ആപ്പ് എന്നിവവഴി ബുക്ക്‌ചെയ്യാം.

സാധാരണ റിസർവേഷൻ ടിക്കറ്റുകൾ 120 ദിവസംമുമ്പുവരെ ബുക്ക്‌ചെയ്യാമെന്നും റെയിൽവെ വ്യക്തമക്കി. 30 പ്രത്യേക രാജധാനി ട്രെയിനുകൾക്കും 200 പ്രത്യേക മെയിൽ, എക്‌സ്പ്രസ് ട്രെയിനുകൾക്കും ഇത് ബാധകമാണ്.