ഹരിപ്പാട്: കീർത്തനയും ശ്രീമോനും വി​വാഹി​തരായപ്പോൾ കൊവി​ഡ് പ്രതി​രോധ സന്ദേശത്തി​ന്റെ വി​ളംബരവുമായി​ അത്. കുമാരപുരം പഞ്ചായത്ത് 10ാം വാർഡിലെ കീർത്തനയുടെ വിവാഹ വേദിയിൽ വച്ച് വാർഡിലെ എല്ലാം വീടുകളിലും നൽകാൻ ആവശ്യമായ 1200 മാസ്കുകൾ കൈമാറി​.

സി.പി.എം അംഗങ്ങളായ പൊത്തപ്പള്ളി തെക്ക് കൊച്ച് കറുകത്തറയിൽ വീട്ടി​ൽ കെ.ജി കുട്ടന്റെയും എൻ.കെ ഓമനയുടെയും മകളാണ് കീർത്തന. സി.പി.എം ജില്ലാ സെക്രട്ടറിയേറ്റംഗം എം.സത്യപാലനാണ് മാസ്കുകൾ കൈമാറിയത്.

തുടർ ദിവസങ്ങളിൽ സി.പി.എമ്മിന്റെ പ്രവർത്തകർ എല്ലാം വീടുകളിലും മാസ്ക് എത്തിച്ച് നൽക്കും. പഞ്ചായത്തിലെ 10-ാം വാർഡിലെ എ.ഡി.എസ് സെക്രട്ടറിയും ഫെസിലിറ്റേറ്റർ കൂടിയാണ് ഓമന. ലോക്കൽ കമ്മി​റ്റിയംഗങ്ങളായ പി.ജി ഗിരിഷ്, കെ.ഗോപിനാഥൻ, ഗ്രാമ പഞ്ചായത്തംഗം എസ്.സുബാഷ്, ഗ്രാമ പഞ്ചായത്ത് സ്റ്റാൻഡിംഗ് കമ്മിറ്റി​യംഗം ഡി.സുഗേഷ് എന്നിവർ പങ്കെടുത്തു.