ഹ​രി​പ്പാ​ട് : കാർ​ത്തി​ക​പ്പ​ള്ളി താ​ലൂ​ക്ക് ലീ​ഗൽ സർ​വ്വീ​സ​സ് ക​മ്മി​റ്റി​യു​ടെ മേൽ​നോ​ട്ട​ത്തിൽ ശു​ചീ​ക​ര​ണ പ്ര​വർ​ത്ത​ന​ങ്ങൾ ന​ട​ന്ന് വ​രു​ന്ന കാർ​ത്തി​ക​പ്പ​ള്ളി കൊ​പ്പാ​റ തോ​ട്ടി​ലെ ഡാ​ണാ​പ്പ​ടി മു​തൽ കാർ​ത്തി​ക​പ്പ​ള്ളി വ​രെ​യു​ള്ള ഭാ​ഗ​ത്ത് താ​ലൂ​ക്ക് ലീ​ഗൽ സർ​വ്വീ​സസ്സ് ക​മ്മ​റ്റി​യു​ടെ ചെ​യർ​മാ​നും ഹ​രി​പ്പാ​ട് മുൻ​സി​ഫ് മ​ജി​സ്‌​ട്രേട്ടുമാ​യ ഡി. ശ്രീ​കു​മാർ മി​ന്നൽ പ​രി​ശോ​ധ​ന ന​ട​ത്തി. ഡാ​ണാ​പ്പ​ടി മു​തൽ കാർ​ത്തി​ക​പ്പ​ള്ളി വ​രെ​യു​ള്ള തോ​ടി​ന്റെ ഭാ​ഗ​ത്ത് മാ​ലി​ന്യ​ങ്ങ​ളും ത​ടി​ക്കഷ​ണ​ങ്ങ​ളും നീ​ക്കം ചെ​യ്യാ​നും തോ​ട്ടി​ലേ​ക്ക് ഇ​റ​ക്കി നീ​രൊ​ഴു​ക്ക് ത​ട​സ്സ​പ്പെ​ടു​ത്തു​ന്ന രീ​തി​യിൽ സ്ഥാ​പി​ച്ചി​രി​ക്കു​ന്ന ക​ട​ക​ളും അ​ന​ധി​കൃ​ത ത​ടി​പ്പാ​ല​ങ്ങ​ളും നീ​ക്കം ചെ​യ്യു​ന്ന​തി​ന് ആ​വ​ശ്യ ന​ട​പ​ടി​കൾ സ്വീ​ക​രി​ക്കാനും ഹ​രി​പ്പാ​ട് ന​ഗ​ര​സ​ഭ സെ​ക്ര​ട്ട​റി, കു​മാ​ര​പു​രം, കാർ​ത്തി​ക​പ്പ​ള്ളി ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​മാർ എ​ന്നി​വർ​ക്ക് നിർ​ദ്ദേ​ശം നൽ​കി.

ശു​ചീ​ക​ര​ണ പ്ര​വർ​ത്ത​ന​ങ്ങൾ ഒ​രു മാ​സ​ത്തി​നു​ള്ളിൽ തീർ​ത്ത് കൊ​പ്പാ​റ​ക്ക​ട​വ് തോ​ട്ടി​ലെ നീ​രൊ​ഴു​ക്ക് ശ​ക്തി​പ്പെ​ടു​ത്താ​നും പ്രാ​ദേ​ശി​ക വെ​ള്ള​പ്പൊ​ക്ക ദു​രി​ത​ങ്ങൾ പ​രി​ഹ​രി​ക്കാ​നു​മുള്ള ന​ട​പ​ടി​കൾ സ്വീ​ക​രി​ക്കാൻ മൈ​നർ ഇ​റി​ഗേ​ഷൻ ഡി​പ്പാർ​ട്ട്‌​മെന്റ് ഉ​ദ്യോ​ഗ​സ്ഥർ​ക്കും, തോ​ട്ടി​ലേ​ക്ക് മാ​ലി​ന്യ​ങ്ങൾ നി​ക്ഷേ​പി​ക്കു​ന്ന​വ​രെ ക​ണ്ടു​പി​ടി​ച്ച് കേ​സ് ര​ജി​സ്റ്റർ ചെ​യ്യാ​നും നി​ര​ന്ത​രം നി​രീ​ക്ഷ​ണം ന​ട​ത്താ​നും ഹ​രി​പ്പാ​ട് പൊലീസിനും നിർ​ദ്ദേ​ശം നൽ​കി. അ​ഡ്വ.വി.ഷു​ക്കൂർ, അ​ഡ്വ.സ​ന്തോ​ഷ്​കു​മാ​രൻ ത​മ്പി, എ​ച്ച്.നി​യാ​സ്, ജി​മ്മി കൈ​പ്പ​ള്ളിൽ, തു​ട​ങ്ങി​യ​വർ മുൻ​സി​ഫ് മ​ജി​സ്‌​ട്രേ​റ്റി​നോ​ടൊ​പ്പം ഉ​ണ്ടാ​യി​രു​ന്നു.