ഓച്ചിറ: ഓച്ചിറ- ചൂനാട് റോഡിൽ കിണറുമുക്ക് ഉപ്പുകണ്ടത്തിന് സമീപം വെയിറ്റിംഗ് ഷെഡിനോട് ചേർന്ന് റോഡരികിലെ താഴ്ചയിൽ അജ്ഞാതനെ മരിച്ചനിലയിൽ കണ്ടെത്തി. കഴിഞ്ഞദിവസം രാത്രിയിൽ വെയിറ്റിംഗ് ഷെഡിൽ ഇയാൾ ഇരിക്കുന്നത് കണ്ടതായി പരിസരവാസികൾ പറഞ്ഞു. കൃഷ്ണപുരത്തും കൊല്ലത്തുമുള്ള രണ്ട് വിലാസങ്ങൾ ഇയാളിൽ നിന്ന് കണ്ടെത്തി. മേൽവിലാസങ്ങൾ കേന്ദ്രീകരിച്ച് വള്ളികുന്നം പൊലീസ് അന്വേഷണം ആരംഭിച്ചു. കൊവിഡ് പരിശോധനയ്ക്കും പോസ്റ്റ് മോർട്ടത്തിനുമായി മൃതദേഹം ആലപ്പുഴ മെഡി. ആശുപത്രിയിലേക്ക് മാറ്റി. വള്ളികുന്നം പൊലീസ് കേസെടുത്തു.