ആലപ്പുുഴ: സംസ്ഥാനത്തിന്റെ പുറത്തു നിന്നുവരുന്ന യാത്രക്കാരുമായി എത്തുന്ന കൊവിഡ് സ്‌പെഷ്യൽ ബസുകളിലെ യാത്രക്കാർക്ക് യാത്രാമദ്ധ്യേ സുരക്ഷിതമായി പ്രാഥമിക ആവശ്യങ്ങൾ നിർവ്വഹിക്കാൻ കാർത്തികപ്പളളി വില്ലേജിൽ ദേശീയ പാതയോട് ചേർന്ന് സ്ഥിതി ചെയ്യുന്ന ഡി.​റ്റി.പി.സി. യുടെ ഉടമസ്ഥതയിലുള്ള കെട്ടിടം ജില്ലാ ഭരണകൂടം ഏ​റ്റെടുത്ത് ജില്ല കളക്ടർ എ.അലക്സാണ്ടർ ഉത്തരവായി.
കെട്ടിടത്തിന്റെ താക്കോൽ ഹരിപ്പാട് നഗരസഭാ സെക്രട്ടറിക്ക് കൈമാറാനും നിർദ്ദേശിച്ചിട്ടുണ്ട്. കെട്ടിടത്തിന്റെ നടത്തിപ്പ് ചുമതലയും ഹരിപ്പാട് നഗരസഭാ സെക്രട്ടറിക്ക് നൽകി . സ്ഥാപനം നടത്തുന്നതിനും ശുചീകരിക്കുന്നതിനും ആവശ്യമായ നടപടികൾ നഗരസഭാ സെക്രട്ടറി ഉറപ്പ് വരുത്തണം. സുഗമമായ രീതിയിൽ സ്ഥാപനം പ്രവർത്തിക്കുന്നുവെന്ന് കാർത്തികപ്പളളി തഹസിൽദാർ ഉറപ്പുവരുത്തണമെന്നും ഉത്തരവിൽ വ്യക്തമാക്കുന്നു..