ചേർത്തല:വികസന പ്രവർത്തനങ്ങൾ രാഷ്ട്രീയ താത്പര്യത്തിന്റെ പേരിൽ അട്ടിമറിയ്ക്കുന്നെന്നാരോപിച്ച് കഞ്ഞിക്കുഴി നോർത്ത്- സൗത്ത് മണ്ഡലം കമ്മ​റ്റികളുടെ നേതൃത്വത്തിൽ പഞ്ചായത്ത് ആഫീസിലേയ്ക്ക് മാർച്ചും കലമുടയ്ക്കൽ സമരവും നടത്തി. കൂ​റ്റുവേലിയിൽ നിന്നാരംഭിച്ച മാർച്ച് കെ.പി.സി.സി നിർവാഹകസമിതിയംഗം എസ്. ശരത് ഉദ്ഘാടനം ചെയ്തു. മണ്ഡലം പ്രസിഡന്റ് കെ.സി.വേണുഗോപാൽ അദ്ധ്യക്ഷത വഹിച്ചു. സമാപനസമ്മേളനം ബ്ലോക്ക് പ്രസിഡന്റ് പി.ഉണ്ണികൃഷ്ണൻ ഉദ്ഘാടനം ചെയ്തു.എം.ജി.തിലകൻ,ജി.രാധാകൃഷ്ണൻ,സുഖലാൽ,ശിവദാസ് മംഗലത്ത്,രാജഗോപാൽ, എം.ജി.സാബു,ജോളി അജിതൻ എന്നിവർ സംസാരിച്ചു.