മാവേലിക്കര- സ്വർണ്ണക്കടത്ത് കേസിലെ പ്രതികളെ അറസ്റ്റ് ചെയ്യുക, മുഖ്യമന്ത്രി രാജി വെയ്ക്കുക, കേസിൽ മുഖ്യമന്ത്രിയുടെ ഓഫീസിന്റെ പങ്ക് അന്വേഷിക്കുക തുടങ്ങിയ ആവശ്യങ്ങൾ ഉന്നയിച്ച് ചെട്ടികുളങ്ങര നോർത്ത് മണ്ഡലം കമ്മറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി. പുതുശ്ശേരി അമ്പലം ജംഗ്ഷനിൽ നിന്നും ആരംഭിച്ച പ്രകടനം കരിപ്പുഴ ജംഗ്ഷനിൽ സമാപിച്ചു. തുടർന്ന് പ്രവർത്തകർ മുഖ്യമന്ത്രിയുടെ കോലം കത്തിച്ചു. ചെട്ടികുളങ്ങര നോർത്ത് മണ്ഡലം കോൺഗ്രസ്‌ കമ്മിറ്റി പ്രസിഡന്റ് അനീഷ് കരിപ്പുഴ, ഡി.സി.സി ജനറൽ സെക്രട്ടറിമാരായ രാജൻ ചെങ്കള്ളിൽ, അലക്സ്‌ മാത്യു, ബ്ലോക്ക്‌ ജനറൽ സെക്രട്ടറിമാരായ ബെന്നി ജോർജ് തുടങ്ങിയവർ പങ്കെടുത്തു.