കായംകുളം: കണ്ടെയ്ൻമെന്റ് സോൺ പരിധിയിലുള്ളവർക്ക് സേവനവുമായി പൊലീസ്. രോഗവ്യാപനം കടുത്ത ഭീഷണി ഉയർത്തുന്ന ഘട്ടത്തിൽ ആരും പുറത്തിറങ്ങാതിരിക്കാനാണ് ബദൽ സംവിധാനം ഏർപ്പെടുത്തിയത്.

ആശുപത്രി, മരണം തുടങ്ങിയ അത്യാവശ്യങ്ങൾക്ക് മാത്രമെ ഇളവുള്ളൂ. അല്ലാതെയുള്ളവർക്കെതിരെ വിട്ടുവീഴ്ചയില്ലാത്ത നടപടികളുണ്ടാകും. പിടിച്ചെടുക്കുന്ന വാഹനങ്ങൾ പ്രത്യേക ഉത്തരവിലൂടെ മാത്രമേ വിട്ടുനൽകുകയുള്ളു. ജനങ്ങളുടെ ഏത് ആവശ്യത്തിനും പൊലീസ് വിളിപ്പുറത്തുണ്ടാകും. ഇതിനായി എല്ലാ വാർഡുകളിലും കൗൺസിലർമാരുടെ നേതൃത്വത്തിൽ ടീം രൂപപ്പെടുത്തിയിട്ടുണ്ട്.ഫോൺ: 9497931755, 9497909422,9497909432.