ആലപ്പുഴ: പത്മനാഭ സ്വാമി ക്ഷേത്രത്തിലെ സുപ്രീംകോടതി വിധി വിശ്വാസികൾക്കും വിശ്വാസത്തിനും അനുകൂലമാണെന്ന് എൻ ഡി എ ദേശീയ സമിതി അംഗം പി.സി.തോമസ് പറഞ്ഞു. വിശ്വാസികളുടെ തീരുമാനത്തിനെതിരെ നിലകൊണ്ട അവിശ്വാസികൾ നേതൃത്വം നൽകുന്ന ഒരു സർക്കാർ എതിര് നിന്നെങ്കിലും പത്മനാഭസ്വാമി ക്ഷേത്രത്തിന്റെ കാര്യത്തിൽ കോടതി ആ എതിർപ്പ് തള്ളിക്കളഞ്ഞു. സ്വർണ് കള്ളക്കടത്ത് ഇടപാടി​ൽ താമസിയാതെ സത്യങ്ങൾ ഓരോന്നായി​ പുറത്തുവരും. മുഖ്യമന്ത്രിയുടെ 'ചാർച്ചക്കാരനെ' ചോദ്യം ചെയ്തു കഴിയുമ്പോൾ കള്ളക്കളികൾ മുഴുവൻ കണ്ടെത്തും. അഴിമതികൾ ധാരാളം കാട്ടി എല്ലാവരെയും വെല്ലുവിളിച്ചുകൊണ്ടിരുന്ന അവിശ്വാസ നായകൻ ഉൾപ്പെടെ ചില പ്രധാനികൾ കുടുങ്ങുമെന്നും പി.സി.തോമസ് പറഞ്ഞു.