ആലപ്പുഴ: തൃക്കുന്നപ്പുഴ ഗ്രാമപഞ്ചായത്തിലെ 7,8,9,10 വാർഡുകൾ, കൃഷ്ണപുരം ഗ്രാമപഞ്ചായത്തിലെ 1,2,3 വാർഡുകൾ എന്നിവ കണ്ടെയിൻമെന്റ് സോണായി പ്രഖ്യാപിച്ചു. വാർഡുകളിലെ റോഡുകളിലൂടെയുള്ള വാഹന ഗതാഗതം നിരോധിക്കും. അവശ്യ വസ്തുക്കളുടെ വിതരണത്തിനും അടിയന്തര വൈദ്യസഹായത്തിനുള്ള യാത്രയ്ക്കും നിയന്ത്രണങ്ങൾക്ക് വിധേയമായി ഇളവുകൾ ഉണ്ടായിരിക്കും. അവശ്യ / ഭക്ഷ്യവസ്തുക്കൾ വിതരണം ചെയ്യുന്ന സ്ഥാപനങ്ങൾക്ക് മാത്രം രാവിലെ എട്ട് മുതൽ 11മണിവരെയും പൊതുവിതരണ സ്ഥാപനങ്ങൾക്ക് (പി.ഡി.എസ്.) രാവിലെ എട്ട് മുതൽ ഉച്ചയ്ക്ക് രണ്ട് മണി വരെയും പ്രവർത്തിക്കാം.

കാർത്തികപ്പള്ളി താലൂക്കിലെ ചെറുതന ഗ്രാമപഞ്ചായത്തിലെ മൂന്നാം വാർഡ് കണ്ടെയിൻമെന്റ് സോണിൽ നിന്നും ഒഴിവാക്കി.