 ആറുപേർക്ക് രോഗം സമ്പർക്കത്തിലൂടെ

ആലപ്പുഴ: ജില്ലയിൽ ഇന്നലെ നാല് സ്ത്രീകൾ ഉൾപ്പെടെ 20 പേർക്കാണ് കൊവിഡ് സ്ഥിരീകരിച്ചത്. ചികിത്സയിലുള്ളവരുടെ എണ്ണം 543 ആയി. 10 പേർ വിദേശത്തുനിന്നും നാല് പേർ അന്യസംസ്ഥാനങ്ങളിൽ നിന്നും എത്തിയവരാണ്. ആറ് പേർക്ക് സമ്പർക്കത്തിലൂടെ ആണ് രോഗം സ്ഥിരീകരിച്ചത്.

വിശാഖപട്ടണത്ത് നിന്നെത്തിയ 39 വയസുള്ള തഴക്കര സ്വദേശി,മസ്‌കറ്റിൽ നിന്നെത്തിയ 25 വയസുള്ള തെക്കേക്കര സ്വദേശി, ബംഗളുരുവിൽ നിന്നെത്തിയ 64 വയസുള്ള മുതുകുളം സ്വദേശി, ഡൽഹിയിൽ നിന്നെത്തിയ 56 വയസുള്ള തെക്കേക്കര സ്വദേശിനി, മസ്‌കറ്റിൽ നിന്നെത്തിയ 60 വയസുള്ള ഹരിപ്പാട് സ്വദേശി, മുംബയിൽ നിന്നെത്തിയ 13 വയസുള്ള പുന്നപ്ര സ്വദേശിനി, യു.എ.ഇയിൽ നിന്നെത്തി നിരീക്ഷണത്തിലായിരുന്ന 34 വയസുള്ള എടത്വ സ്വദേശി, ഖത്തറിൽ നിന്നെത്തിയ 27 വയസുള്ള പുന്നപ്ര സ്വദേശി, കുവൈറ്റിൽ നിന്നെത്തിയ 38 വയസുള്ള ആലപ്പുഴ സ്വദേശിനി, റാസൽഖൈമയിൽ നിന്നെത്തിയ 45 വയസുള്ള പുന്നപ്ര സ്വദേശി, മസ്‌കറ്റിൽ നിന്നെത്തിയ 38 വയസുള്ള മണ്ണഞ്ചേരി സ്വദേശി, ഷാർജയിൽ നിന്നെത്തിയ 24 വയസുള്ള പുന്നപ്ര സ്വദേശി, 24 വയസുള്ള പുന്നപ്ര സ്വദേശി, 27 വയസുള്ള ചെറുതന സ്വദേശി,കുമാരപുരം മാർക്കറ്റുമായി ബന്ധപ്പെട്ട മത്സ്യക്കച്ചവടം നടത്തുന്ന 49 വയസുള്ള തൃക്കുന്നപ്പുഴ സ്വദേശി, ചെല്ലാനം ഹാർബറുമായി ബന്ധപ്പെട്ട ജോലി ചെയ്തിരുന്ന രോഗം സ്ഥിരീകരിച്ച മത്സ്യത്തൊഴിലാളിയുടെ സമ്പർക്ക പട്ടികയിലുള്ള 60 വയസുള്ള പട്ടണക്കാട് സ്വദേശിനി, ചെല്ലാനം ഹാർബറുമായി ബന്ധപ്പെട്ട ജോലി ചെയ്യുന്ന 43 വയസുള്ള അരൂക്കുറ്റി സ്വദേശി, തിരുവനന്തപുരത്തെ തീവ്രബാധിത മേഖലയിൽ മത്സ്യബന്ധനവുമായി ബന്ധപ്പെട്ട ജോലി ചെയ്യുന്ന 48 വയസുള്ള ആറാട്ടുപുഴ സ്വദേശി, രോഗം സ്ഥിരീകരിച്ച് ചികിത്സയിലുള്ള കായംകുളം സ്വദേശിയുടെ സമ്പർക്ക പട്ടികയിലുള്ള 21 വയസുള്ള തൃക്കുന്നപ്പുഴ സ്വദേശി, തമിഴ്നാട്ടിൽ നിന്നെത്തി രോഗം സ്ഥിരീകരിച്ച് ചികിത്സയിലുള്ള എരമല്ലൂർ സ്വദേശിനിയുടെ സമ്പർക്ക പട്ടികയിലുള്ള 42 വയസുള്ള എരമല്ലൂർ സ്വദേശി എന്നിവർക്കാണ് രോഗം സ്ഥിരീകരിച്ചത്.

# നിരീക്ഷണത്തിൽ 6390 പേർ

ജില്ലയിൽ നിലവിൽ 6390 പേരാണ് നിരീക്ഷണത്തിലുള്ളത്. 575 പേർ വിവിധ ആശുപത്രികളിൽ നിരീക്ഷണത്തിൽ കഴിയുന്നു. ആലപ്പുഴ മെഡി. ആശുപത്രിയിൽ 493, ഹരിപ്പാട് താലൂക്ക് ആശുപത്രിയിൽ 25, ആലപ്പുഴ ജനറൽ ആശുപത്രിയിൽ 4, കായംകുളം ഗവ. ആശുപത്രിയിൽ 2, കായംകുളത്തെ സ്വകാര്യ ആശുപത്രിയിൽ 51 എന്നിങ്ങനെയാണ് നിരീക്ഷണത്തിലുള്ളവരുടെ എണ്ണം.