പൂച്ചാക്കൽ: തൈക്കാട്ടുശേരി ബ്ലോക്ക് പഞ്ചായത്ത് പരിധിയിൽ പ്ലസ് ടു പരീക്ഷയിൽ ഏറ്റവും കൂടുതൽ വിദ്യാർത്ഥികളെ വിജയിപ്പിച്ച് ശ്രീകണ്ഠേശ്വരം ശ്രീനാരായണ ഹയർ സെക്കൻഡറി സ്കൂളിന് മികച്ച നേട്ടം. പരീക്ഷയെഴുതിയ 463 വിദ്യാർത്ഥികളിൽ 412 പേർ വിജയിച്ചു. 31 പേർ എല്ലാ വിഷയങ്ങൾക്കും എ പ്ലസ് നേടി. വോക്കേഷണൽ ഹയർ സെക്കൻഡറിയിൽ പരീക്ഷയെഴുതിയ 128 വിദ്യാർത്ഥികളിൽ 88 പേർ ജയിച്ചു.മികച്ച വിജയം നേടിയ ശ്രീകണ്ഠേശ്വരം ശ്രീനാരായണ ഹയർ സെക്കൻഡറി സ്കൂളിലെ വിദ്യാർത്ഥികളേയും, അവരെ സജ്ജരാക്കിയ അദ്ധ്യാപകരേയും മറ്റു ജീവനക്കാരേയും സ്ക്കൂൾ മാനേജർ കെ.എൽ.അശോകൻ അഭിനന്ദിച്ചു.

 സ്കൂളുകൾക്ക് മികച്ച നേട്ടം

340 കുട്ടികൾ പരീക്ഷയെഴുതിയ വടുതല ജമാഅത്തെ ഹയർ സെക്കൻഡറി സ്കൂളിൽ 320 പേർ വിജയിച്ചു. 34വിദ്യാർത്ഥികൾ എല്ലാ വിഷയങ്ങൾക്കും എ പ്ളസ് നേടി.222 കുട്ടികൾ പരീക്ഷയെഴുതിയ തൃച്ചാറ്റുകുളം എൻ.എസ്.എസ് ഹയർ സെക്കൻഡറി സ്കൂളിൽ 188 പേർ വിജയിച്ചു. 9 പേർക്ക് എല്ലാ വിഷയത്തിനും എ പ്ളസ് നേടി.110 പേർ പരീക്ഷയെഴുതിയ തിരുനല്ലൂർ ഗവ: ഹയർ സെക്കൻഡറി സ്കൂളിൽ 105 പേർ വിജയിച്ചു. 49 വിദ്യാർത്ഥികൾ പരീക്ഷയെഴുതിയ തേവർ വട്ടം ഗവ.ഹയർ സെക്കൻഡറി സ്കൂളിൽ 42 പേർ വിജയിച്ചു.