ആലപ്പുഴ: നാല് സ്ത്രീകളും നൂറനാട് ഐ.ടി.ബി.പിയിലെ രണ്ട് ഉദ്യോഗസ്ഥരും ഉൾപ്പെടെ ഇന്നലെ ജില്ലയിൽ 52 പേർക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 627ആയി. 11 പേർ വിദേശത്ത് നിന്നും ഏഴു പേർ അന്യസംസ്ഥാനങ്ങളിൽ നിന്നും എത്തിയവരാണ്. 30 പേർക്ക് സമ്പർക്കത്തിലൂടെയാണ് രോഗം സ്ഥിരീകരിച്ചത്. രണ്ടുപേരുടെ രോഗത്തിന്റെ ഉറവിടം വ്യക്തമല്ല. 32പേരുടെ പരിശോധനാഫലം നെഗറ്റീവ് ആയതോടെ ഇന്നലെ വരെ ജില്ലയിൽ 360 പേർ രോഗം മുക്തരായി.

ദുബായിൽ നിന്നെത്തിയ അമ്പലപ്പുഴ സ്വദേശി (26),ഒമാനിൽ നിന്നെത്തിയ ചന്തിരൂർ സ്വദേശി (44), സൗദിയിൽ നിന്നെത്തിയ ചന്തിരൂർ സ്വദേശി (53), ഖത്തറിൽ നിന്നെത്തിയ ചേർത്തല സ്വദേശി (58), കുവൈത്തിൽ നിന്നെത്തിയ കായംകുളം സ്വദേശി (43), എടത്വ സ്വദേശി (34), പാലമേൽ സ്വദേശി (54), എടത്വ സ്വദേശി (48), ഖിർഗിസ്താനിൽ നിന്നെത്തിയ ബുധനൂർ സ്വദേശി (21), ദുബായിൽ നിന്നെത്തിയ ഭരണിക്കാവ് സ്വദേശി (36), സൗദിയിൽ നിന്നെത്തിയ മുതുകുളം സ്വദേശി (33), ബംഗളുരുവിൽ നിന്നെത്തിയ മുതുകുളം സ്വദേശി (58), ജമ്മുകാശ്മീരിൽ നിന്നെത്തിയ മാരാരിക്കുളം സ്വദേശി (39), ഡാർജിലിംഗിൽ നിന്നെത്തിയ കരുവാറ്റ സ്വദേശി (31), ഡൽഹിയിൽ നിന്നെത്തിയ എടത്വ സ്വദേശിനി (59), ബംഗളുരവിൽ നിന്നെത്തിയ താമരക്കുളം സ്വദേശി (70), മുംബയിൽ നിന്നെത്തിയ ചെട്ടികുളങ്ങര സ്വദേശിനി (20), മംബയിൽ നിന്നെത്തിയ കുമാരപുരം സ്വദേശിനി (56), ചെല്ലാനം ഹാർബറുമായി ബന്ധപ്പെട്ട രോഗം സ്ഥിരീകരിച്ചവരുടെ സമ്പർക്ക പട്ടികയിലുള്ള ഏഴ് പള്ളിത്തോട് സ്വദേശികൾ, എഴുപുന്നയിലെ സീഫുഡ് ഫാക്ടറിയിൽ രോഗം സ്ഥിരീകരിച്ചവരുടെ സമ്പർക്ക പട്ടികയിലുള്ള കോടംതുരുത്ത്, പാണാവള്ളി, കുത്തിയതോട്, പട്ടണക്കാട്, എഴുപുന്ന, ചേർത്തല സ്വദേശികൾ, നൂറനാട് ഐ.ടി.ബി.പി ക്യാമ്പിലെ രണ്ട് ഉദ്യോഗസ്ഥർ, നൂറനാട് ഐ.ടി.ബി.പി ക്യാമ്പിലെ ഉദ്യോഗസ്ഥരുടെ സമ്പർക്ക പട്ടികയിലുള്ള നൂറനാട്, വള്ളികുന്നം സ്വദേശികളായ നാലുപേർ, കായംകുളം മാർക്കറ്റുമായി ബന്ധപ്പെട്ട് രോഗം സ്ഥിരീകരിച്ച മൂന്ന് കായംകുളം സ്വദേശികൾ, കായംകുളം മാർക്കറ്റുമായി ബന്ധപ്പെട്ട രോഗം സ്ഥിരീകരിച്ചവരുടെ സമ്പർക്ക പട്ടികയിലുള്ള ഒരു കായംകുളം സ്വദേശിനി, ഒരു നൂറനാട് സ്വദേശി, എറണാകുളത്ത് ജോലി ചെയ്യുന്ന പാതിരപ്പള്ളി സ്വദേശി (39), തുറവൂർ സ്വദേശി (30), അന്ധകാരനഴി സ്വദേശി (55), മാവേലിക്കര സ്വദേശിയുടെ (40) രോഗത്തിന്റെ ഉറവിടം വ്യക്തമല്ല. .

6232 പേരാണ് ജില്ലയിൽ നിരീക്ഷണത്തിലുള്ളത്. വിവിധ ആശുപത്രികളിലുള്ളത് 642 പേർ.