ചാരുംമൂട്: ചിക്കൻ സെന്ററി​ന്റെ മറവിൽ പ്രവർത്തി​ച്ചി​രുന്ന മിനിബാറി​ൽ എക്സൈസ് നടത്തി​യ മി​ന്നൽ പരി​ശോധനയി​ൽ നടത്തി​​പ്പുകാരി​യായ സ്ത്രീയെ പി​ടി​കൂടി​.

നൂറനാട് ആദിക്കാട്ട് കുളങ്ങര ഭാഗത്ത് മുറിയിൽ പൂവത്തോട്ടിൽ കിഴക്കതിൽ രാധയാണ് (55) പിടിയിലായത്.

ഇവരുടെ വീട്ടിൽ മദ്യം കഴിച്ച് കൊണ്ടിരുന്ന വാഴക്കുന്നിൽ രഘു , സൗരയ്യത്ത് വടക്കതിൽ സലിം എന്നിവരെയും അറസ്റ്റ് ചെയ്തു.

രഹസ്യ വിവരത്തിന്റെ അടിസ്ഥാനത്തിലാണ് റെയ്ഡ് നടന്നത്. ഇവരുടെ വീടും പരിസരവും മാസങ്ങളായി എക്സൈസ് ഷാഡോ സംഘം രഹസ്യ നിരീക്ഷണം നടത്തി വരുകയായിരുന്നു. ഉദ്യോഗസ്ഥർ റെയ്ഡിന് എത്തുന്നത് മുൻകൂട്ടി​ അറിഞ്ഞ് ഉടൻ തന്നെ മദ്യം സുരക്ഷിത സ്ഥാനത്തേയ്ക്ക് മാറ്റുന്നതി​നാൽ പലപ്പോഴും പിടികൂടാൻ കഴിഞ്ഞിരുന്നില്ല. രാധ, രഘു, സലിം എന്നിവർക്കെതി​രെ കേസെടുത്തു.

എക്സൈസ് ഇൻസ്പക്ടർ ഇ ആർ ഗിരീഷ് കുമാറിന്റെ നേതൃത്വത്തിൽ നടത്തി​യ

റെയ്ഡിൽ എക്സൈസ് ഇൻസ്പെക്ടർ ഇ.ആർ ഗിരീഷ് കുമാർ , പ്രിവന്റീവ് ഓഫീസർമാരായ സദാനന്ദൻ ,

ജി. സന്തോഷ് കുമാർ, സി.ഇ.ഒ മാരായ രാജീവ്, അശോകൻ, വരുൺ ദേവ് , രാകേഷ് കൃഷ്ണൻ താജുദീൻ , വിജയലക്ഷ്മി, സന്ദീപ്കുമാർ എന്നിവർ പങ്കെടുത്തു.