ഹരിപ്പാട്: കരുണ സാമൂഹ്യവേദിയുടെ ആഭിമുഖ്യത്തിൽ ചേപ്പാട് ധീര ജവാൻ രാധാകുമാറിന്റെ സ്മൃതി മണ്ഡപത്തിൽ കാർഗിൽ വിജയ്‌ ദിവസ് ആചരിച്ചു. ധീര ജവാൻ രാധാകുമാറായിരുന്നു കാർഗി​ൽ യുദ്ധത്തിൽ ജീവൻ ബലിയർപ്പിച്ച കേരളത്തിൽനിന്നുള്ള ആദ്യ ജവാൻ. സംസ്ഥാന ലൈബ്രറി കൗൺസിൽ എക്സി. കമ്മിറ്റി അംഗം രാമചന്ദ്രൻ പുഷ്പാർച്ചന നടത്തി അനുസ്മരണം ഉദ്‌ഘാടനം ചെയ്തു. കരുണ പ്രസിഡന്റ് എൻ.രാജ്‌നാഥ് അദ്ധ്യക്ഷനായി. ഡോ. പി. രാജേന്ദ്രൻ നായർ അനുസ്മരണ പ്രഭാഷണം നടത്തി. രഞ്ജിത്ത് ചേപ്പാട്, കെ. രാജേഷ് കുമാർ, സന്തോഷ് കുമാർ എന്നിവർ സംസാരിച്ചു.