ഹരിപ്പാട്: എസ്.എൻ.ഡി.പി യോഗം കാർത്തികപ്പള്ളി യൂണിയൻ 1101ാം നമ്പർ കാട്ടിൽ മാർക്കറ്റ് ശാഖയുടെ ആഭിമുഖ്യത്തിൽ എസ്.എസ്.എൽ.സി, പ്ളസ്ടു പരീക്ഷകളിൽ ഉന്നത വിജയം നേടിയ കുട്ടികളെ ആദരിക്കലും കാഷ് അവാർഡ് വിതരണവും നടന്നു. എല്ലാ വിഷയങ്ങൾക്കും എ പ്ളസ് വാങ്ങിയ നിഖിൽ ചന്ദിന് കാഷ് അവാർഡ് കാർത്തികപ്പള്ളി യൂണിയൻ പ്രസിഡന്റ് കെ.അശോകപ്പണിക്കർ നൽകി ഉദ്ഘാടനം ചെയ്തു. സെക്രട്ടറി അഡ്വ.ആർ.രാജേഷ് ചന്ദ്രൻ , ശാഖാ പ്രസിഡന്റ് എൻ.താരാസുതൻ, സെക്രട്ടറി എം.കുട്ടപ്പൻ, യൂണിയൻ കമ്മിറ്റി അംഗം രതീഷ് കുമാർ, കമ്മറ്റി അംഗങ്ങളായ ജി.സദാനന്ദൻ, പി.ബാബു, വനിതാ സംഘം പ്രസിഡന്റ് രമണി, സെക്രട്ടറി യമുന എന്നിവർ പങ്കെടുത്തു.