ചേർത്തല:താലൂക്കിൽ മഴയ്ക്ക് താത്കാലിക ശമനമായെങ്കിലും കടലോര-കായലോര മേഖലകളിലെ 3000ത്തിലധികം വീടുകൾ വെള്ളക്കെട്ടിലാണ്.ഒ​റ്റമശേരി പള്ളിത്തോട് ഭാഗങ്ങളിൽ രൂപപ്പെട്ട കടൽകയ​റ്റവും പ്രതിസന്ധി സൃഷ്ടിക്കുന്നുണ്ട്. മഴയിലും കാ​റ്റിലുംപെട്ട് 10 വീടുകൾ കൂടി തകർന്നു.അന്ധകാരനഴി,അർത്തുങ്കൽ,ചേന്നവേലി പൊഴികൾ ബുധനാഴ്ച തന്നെ തുറന്നെങ്കിലും കടലിലേക്കു നീരൊഴുക്കു സുഗമമായില്ല.കടൽ മണൽ കയറി വീണ്ടും പൊഴിയടഞ്ഞതിനാൽ വീണ്ടും തുറന്ന് വെള്ളം ഒഴുക്കാനുള്ള ശ്രമങ്ങൾ തുടരുന്നു.