എ​ട​ത്വാ: അ​ന്ധ​നാ​യ ജോ​സി​ന് വേണ്ടി നിർമ്മിക്കുന്ന പു​തി​യ വീ​ട്ടി​ലേ​യ്​ക്ക് ഉ​പ​ക​ര​ണ​ങ്ങ​ളു​മാ​യി​ പെ​രു​ന്നാൾ ദി​ന​ത്തി​ൽ ഇ​മാം എ​ത്തി. സൗ​ഹൃ​ദ വേ​ദി​യു​ടെ നേ​തൃ​ത്വ​ത്തിൽ ക​റ്റോ​ട് ത​ല​പ്പാ​ല​ത്ത് ജോ​സി​ന് നിർ​മ്മി​ച്ചു നൽ​കു​ന്ന വീ​ട്ടി​ലേ​ക്കാ​ണ് ഡി​ന്നർ സെ​റ്റ്, ഫാ​നു​കൾ, ട്യൂ​ബ് ലൈ​റ്റു​കൾ, എൽ.ഇ.ഡി ബൾ​ബു​കൾ എ​ന്നി​വ​യു​മാ​യി ചാ​രി​റ്റി ഗ്രൂ​പ്പ് ചെ​യർ​മാൻ കൂ​ടി​യാ​യ കെ.ജെ സ​ലിം സ​ഖാ​ഫിയുടെ വരവ്.

ന​ടു​റോ​ഡിൽ വ​ഴി​യ​റി​യാ​തെ ജോസിനെ തി​രു​വ​ല്ല​യി​ലെ വ​സ്​ത്ര​സ്ഥാ​പ​ന​ത്തി​ലെ ജീ​വ​ന​ക്കാ​രി സു​പ്രി​യ ബ​സിൽ ക​യ​റ്റി വി​ട്ട രം​ഗം സ​മൂ​ഹ മാ​ധ്യ​മ​ങ്ങ​ളിൽ വൈ​റൽ ആ​യി​രു​ന്നു. സൗ​ഹൃ​ദ വേ​ദി പ്ര​വർ​ത്ത​കർ ജോ​സി​നെ സ​ന്ദർ​ശി​ക്കാൻ നേ​രി​ട്ടെ​ത്തി​യ​പ്പോ​ഴാ​ണ് ദു​രി​തം നേ​രിൽ ക​ണ്ട​ത്. 22 വർ​ഷ​ങ്ങൾ​ക്ക് മു​മ്പാ​ണ് ജോ​സി​ന് ക​ണ്ണി​ന്റെ കാ​ഴ്​ച​ശ​ക്തി കു​റ​യു​വാൻ തു​ട​ങ്ങി​യ​ത്. ര​ണ്ട് ശ​സ്​ത്ര​ക്രി​യ ന​ട​ത്തി​യെ​ങ്കി​ലും ശ​രി​യാ​യ തു​ടർ ചി​കി​ത്സ ന​ട​ത്തു​വാൻ ക​ഴി​യാ​ഞ്ഞ​തു​മൂ​ലം പൂർ​ണ​മാ​യി അ​ന്ധ​ത വ്യാ​പി​ച്ചു. ചോർ​ന്നൊ​ലി​ച്ച് നി​ലം​പൊ​ത്താ​റാ​യ വീ​ടി​ന്റെ അ​വ​സ്ഥ ക​ണ്ട് ഒ​രു​സ​ന്ന​ദ്ധ സം​ഘ​ട​ന 2008ൽ വീ​ട് വാ​ഗ്​ദാ​നം ചെ​യ്​തു. വീ​ടി​ന്റെ നിർ​മ്മാ​ണ​ത്തി​ന് തു​ട​ക്കം കു​റി​ച്ചെ​ങ്കി​ലും പ​തി​റ്റാ​ണ്ടു​ക​ളാ​യി നിർ​മ്മാ​ണം പാ​തി​വ​ഴി​യി​ലാ​യി​രു​ന്നു. ജോ​സി​ന്റെ ഭാ​ര്യ സി​സിൽ ജോ​സ് ആ​സ്​ത്​മ രോ​ഗി​യാ​ണ്. മു​ടി​വെ​ട്ട് തൊ​ഴി​ലാ​ളി​യാ​യ മൂ​ത്ത​മ​ക​ന്റെ ഏ​ക വ​രു​മാ​നം കൊ​ണ്ടാ​ണ് ഏ​ഴം​ഗ കു​ടും​ബം ജീ​വി​ക്കു​ന്ന​ത്. വീ​ടി​ന്റെ പ​ണി പു​രോ​ഗ​മി​ക്കു​മ്പോൾ ത​ന്നെ ക​ഴി​ഞ്ഞ ദി​വ​സം മു​തൽ സു​മ​ന​സു​കൾ ഫ്രി​ഡ്​ജ്, ഗ്യാ​സ് അ​ടു​പ്പ്, അ​ടു​ക്ക​ള ഉ​പ​ക​ര​ണ​ങ്ങൾ എ​ന്നി​വ എ​ത്തി​ച്ചു നൽ​കി​യി​രു​ന്നു. സൗഹൃ​ദ​വേ​ദി ചെ​യർ​മാൻ ഡോ.ജോൺ​സൺ വി.ഇ​ടി​ക്കു​ള, സ്റ്റേ​റ്റ് കോ​ഓ​ഡി​നേ​റ്റർ സി​ബി സാം തോ​ട്ട​ത്തിൽ,സു​രേ​ഷ് പി.ഡി, വിൻ​സൻ പൊ​യ്യാ​ലു​മാ​ലിൽ, ബി​ജു ബേ​ബി എ​ന്നി​വ​രും ഇ​മാ​മി​നൊ​പ്പം എ​ത്തി​യി​രു​ന്നു