ന്യൂഡൽഹി: മുഖ്യമന്ത്രി അശോക് ഗെലോട്ടിന്റെ അവകാശവാദങ്ങൾ തള്ളിയും നിയമസഭയിൽ ഭൂരിപക്ഷം തെളിയിക്കാനും വെല്ലുവിളിച്ച് സച്ചിൻ പൈലറ്റ്.

84 എം.എൽ.എമാർ മാത്രമാണ് യോഗത്തിൽ പങ്കെടുത്തത്. ബാക്കിയുള്ളവർ തങ്ങൾക്കൊപ്പമാണെന്നും സച്ചിനൊപ്പമുള്ളവർ പറയുന്നു. മുഖ്യമന്ത്രിയുടെ വീട്ടിലല്ല നിയമസഭയിലാണ് ഭൂരിപക്ഷം തെളിയിക്കേണ്ടത്. ഡൽഹിയിൽ അഞ്ജാത കേന്ദ്രത്തിൽ തുടരുന്ന സച്ചിൻ ഹൈക്കമ്മാൻഡുമായി താൻ ചർച്ച നടത്തിയിട്ടില്ലെന്നും ഉപാധികൾ വച്ചിട്ടില്ലെന്നും വ്യക്തമാക്കി. ബി.ജെ.പിയിൽ ചേരുമെന്ന അഭ്യൂഹങ്ങളും സച്ചിൻ ക്യാമ്പ് തള്ളിയിട്ടുണ്ട്.