ന്യൂഡൽഹി:രാജ്യത്ത് ടെലിഫോൺ ഉപഭോക്താക്കളുടെ എണ്ണത്തിൽ കുറവുണ്ടാകുന്നുവെന്ന് കണക്കുകൾ പുറത്ത് വിട്ട് ട്രായ്. കഴിഞ്ഞ ഫെബ്രുവരി ​ മാർച്ച് മാസങ്ങളിൽ മൂന്ന് ശതമാനത്തിൻ്റെ ഖുറവാണ് രേഖപ്പെടുത്തിയിരിക്കുന്നത്. ഫെബ്രുവരിയിൽ രാജ്യത്ത് 1,​180 ദശലക്ഷം ഉപഭോക്താക്കളുണ്ടായിരുന്നുവെങ്കിൽ മാർച്ച് അവസാനത്തോടെ 1,​177 ആയി കുറഞ്ഞു.നഗരമേഖലകളിൽ 661 ദശലക്ഷത്തിൽ നിന്ന് 656 ദശലക്ഷമായി കുറഞ്ഞപ്പോൾ ഗ്രാമീണമേഖലകളിൽ 519 ൽ നിന്ന് 521 ദശലക്ഷമായി കൂടിയിട്ടുണ്ടെന്നും കണക്കുകൾ സൂചിപ്പിക്കുന്നു.മൊബൈൽഫോൺ ഉപഭോക്താക്കളുടെ ഇടയിലും ഗണ്യമായ ഇടിവ് ദൃശ്യമാണ്. ഫെബ്രുവരിയിൽ 1,​160 ദശലക്ഷം പേർ 2ജി,​ 3ജി,​ 4ജി സംവിധാനങ്ങൾ ഉപയോഗിച്ചിരുന്നെങ്കിൽ മാർച്ചോടെ 1,​157ആയി കുറഞ്ഞു.