ന്യൂഡൽഹി: ഓൺലൈൻ ക്ലാസുകളുടെ നടത്തിപ്പിന് കേന്ദ്ര മാനവശേഷി മന്ത്രാലയത്തിന്റെ മാർഗനിർദേശങ്ങൾ. ഓരോ വിഭാഗത്തിൽപ്പെട്ട ക്ലാസുകൾക്കും സമയദൈർഘ്യവും നിർണയിച്ചിട്ടുണ്ട്. പലയിടത്തും സ്‌കൂളുകൾ മുഴുവൻ സമയ ഓൺലൈൻ ക്ലാസുകൾ ആരംഭിച്ചതോടൊണ് മന്ത്രാലയം 'പ്രഗ്യത" എന്ന പേരിൽ മാർഗനിർദേശങ്ങൾ ഇറക്കിയത്.

 മാർഗനിർദ്ദേശങ്ങൾ

 പ്രീ പ്രൈമറിക്ക് 30 മിനിറ്റിൽ കൂടുതൽ ക്ലാസുകൾ പാടില്ല. നിശ്ചിത ദിവസം മാതാപിതാക്കളുമായി ആശയവിനിമയം നടത്തണം.

 ഒന്നു മുതൽ എട്ടു വരെ ഓരോ ദിവസവും 30 മുതൽ 45 മിനിറ്റ് വരെയുള്ള രണ്ടു സെഷനുകളിൽ കൂടുതൽ പാടില്ല.

 ഒൻപത് മുതൽ 12 വരെ ഓരോ ദിവസവും 30 മുതൽ 45 മിനിറ്റ് വരെയുള്ള നാലു സെഷനുകളിൽ കൂടുതൽ പാടില്ല.

 ഒന്നു മുതൽ 12 വരെ എൻ.സി.ഇ.ആർ.ടി അക്കാദമിക് കലണ്ടർ അനുസരിച്ച് പാഠ്യപദ്ധതികൾ നടപ്പാക്കണം.