ന്യൂഡൽഹി: ഉത്തർപ്രദേശിലെ കൊടുംകുറ്റവാളി വികാസ്​ ദുബെയുടെ മരണകാരണം വെടിയേറ്റതിനെ തുടർന്നുണ്ടായ രക്തസ്രാവം മൂലമെന്ന്​ പോസ്​റ്റുമോർട്ടം റിപ്പോർട്ട്​. കാൺപൂരിൽ ദുബെക്കായി നടത്തിയ തെരച്ചിലിനിടയിൽ എട്ടു പൊലീസുകാർ കൊല്ലപ്പെട്ടിരുന്നു. ശേഷം പിടിയിലായ ഇയാൾ ഈ മാസം 10ന്​ പൊലീസി​ന്റെ പിടിയിൽ നിന്ന്​ രക്ഷപ്പെടാൻ ശ്രമിക്കുന്നതിനിടെ പൊലീസിന്റെ വെടിയേറ്റ് കൊല്ലപ്പെടുകയായിരുന്നു. ദുബെയുടെ ശരീരത്തിൽനിന്ന്​ നാലു വെടിയുണ്ടകൾ കണ്ടെടുത്തതായി ഡോക്​ടർമാർ പറഞ്ഞു. ദുബെയുടെ മരണം വ്യാജ ഏറ്റു​മുട്ടലാണെന്നാരോപിച്ച്​ സുപ്രീംകോടതിയിൽ ഉൾപ്പെടെ വിവിധ കോടതികളിൽ നിരവധി ഹർജികൾ എത്തിയിരുന്നു.